जीतपुर बजारमा नापातौल शिविरको आयोजना

समाचार

गृहपृष्ठ
समाचार
जीतपुर बजारमा नापातौल शिविरको आयोजना

जीतपुर बजारमा नापातौल शिविरको आयोजना

शुक्रबार, मंसिर १४, २०८१ ज्योति दैनिक

बारा । नगर उद्योग वाणिज्य संघको समन्वयमा बाराको जीतपुर बजारमा नापातौल शिविरको आयोजना गरिएको छ ।

नापतौल तथा गुणस्तर विभागको बीरगञ्ज कार्यालयबाट खटिएका कर्मचारीहरुद्वारा जीतपुरसिमराका व्यवसायीको नापतौल सामग्री परिक्षण तथा प्रमाणपत्र नवीकरण कार्यका लागि शिवीरको आयोजना गरिएको जीतपुरसिमरा नगर उद्योग वाणिज्य संघका उपाध्यक्ष गजेन्द्रकुमार गुप्ताले जानकारी दिए ।

तीन दिनसम्म जीतपुरसिमरा उद्योग वाणिज्य संघको कार्यालय जीतपुरमा शिविर सञ्चालन गरिएको गुप्ताले बताए । बुधबार र विहिबार सिमरास्थित आन्तरिक राजश्व कार्यालयसंगै रहेको उद्योग वाणिज्य संघको सेवाकेन्द्रमा शिविर सञ्चालन गरिएको छ ।

त्यसैगरी शुक्रबार जीतपुरसिमरा १५ डुमरवानास्थित वडा कार्यालय र शनिवार जीतपुरसिमरा २१ अमलेखगञ्जस्थित वडा कार्यालयमा नापतौल सामग्री जाँचका लागि घुम्ति शिविर सञ्चालन हुनेछ ।

उपाध्यक्ष गुप्ताका अनुसार जीतपुरसिमराका व्यवसायीहरुलाई बीरगञ्जसम्म पुग्न टाढा हुने भएकोले शिविर सञ्चालनले समय तथा पैसा दुबैको बचत सहित सरल सेवा प्रदान गर्ने उद्देश्यले नापतौल कार्यालय वीरगञ्जसंग समन्वय गरि शिविर सञ्चालन गरिएको हो ।
नापतौल सामग्रीको जाँच शिवीरमा उद्योग वाणिज्य संघले आफ्ना व्यवसायीको प्रमाणपत्र समेत संगै नविकरण गर्ने सुविधा उपलब्ध गराएको संघका कोषाध्यक्ष रामबाबु कलवारले बताए ।

प्रकाशित मिति: शुक्रबार, मंसिर १४, २०८१ १०:४२