नेपाल प्रिमियर लिगमा सट्टेबाजी गराएको आरोपमा थप ३ जना पक्राउ

समाचार

गृहपृष्ठ
समाचार
नेपाल प्रिमियर लिगमा सट्टेबाजी गराएको आरोपमा थप ३ जना पक्राउ

नेपाल प्रिमियर लिगमा सट्टेबाजी गराएको आरोपमा थप ३ जना पक्राउ

बिहीबार, मंसिर २०, २०८१ ज्योति दैनिक

काठमाण्डौ । नेपाल प्रिमियर लिग(एनपीएल) मा बेटिङ अर्थात् सट्टेबाजी गराएको आरोपमा थप तीन जना पक्राउ परेका छन् । त्रिवि क्रिकेट मैदान कीर्तिपुरबाट सट्टेबाजी गराउने थप तीन जनालाई पक्राउ गरिएको केन्द्रीय अनुसन्धान ब्यूरोका प्रवक्ता (एसपी) होविन्द्र बोगटीले जानकारी दिनुभएको छ ।

पक्राउ परेकाहरुले दुईवटा एपको प्रयोग गरेर सट्टेबाजी गराएको प्रहरीको प्रारम्भिक अनुसन्धानले देखाएको छ । स्पोर्टस् बाजी र प्रोबो एपमार्फत उनीहरूले सट्टेबाजी गराउने गरेको प्रहरीले जनाएको छ ।

यसअघि पनि गएको मङ्गलवार प्रहरीले चार जना भारतीय नागरिकलाई पक्राउ गरको थियो । एनपीएलमा सट्टेबाजी र खेल मिलेमतो हुने खतरालाई मध्यनजर राखेर सीआईबीले विशेष टोली खटाएको छ । एनपीएलमा गलत क्रियाकलाप हुन नदिन सुक्ष्म निगरानी भइरहेको सीआईबीले जनाएको छ ।

प्रकाशित मिति: बिहीबार, मंसिर २०, २०८१ १५:१७