देशभर पश्चिमी वायुको प्रभाव : तराई र उपत्यकामा हुस्सु-कुहिरोको सम्भावना

समाचार

गृहपृष्ठ
समाचार
देशभर पश्चिमी वायुको प्रभाव : तराई र उपत्यकामा हुस्सु-कुहिरोको सम्भावना

देशभर पश्चिमी वायुको प्रभाव : तराई र उपत्यकामा हुस्सु-कुहिरोको सम्भावना

मंगलबार, मंसिर २५, २०८१ ज्योति दैनिक

काठमाडौं । हाल देशमा पश्चिमी वायुको प्रभाव रहेको छ । यही प्रभावले कोशी प्रदेशका पहाडी भू–भागमा आंशिक बदली रही बाँकी भागमा मौसम आंशिक बदलीदेखि मुख्यतया सफा रहने छ ।

जल तथा मौसम विज्ञान विभागका अनुसार आज दिउँसो कोशी प्रदेशका पहाडी भागमा आंशिक बदली रही बाँकी भागमा मौसम सफा रहने छ । त्यसैगरी, आज राति कोशी र गण्डकी प्रदेशका पहाडी भागमा आंशिक बदली रही बाँकी भू–भागमा मौसम सफा रहने छ ।

आगामी २४ घण्टामा बिहानको समयमा तराई तथा उपत्यका धेरै स्थानमा हुस्सु लाग्नुका साथै थोरै स्थानमा कुहिरोको सम्भावना रहेकाले दैनिक जनजीवन, यातायात तथा हवाई उडानमा आंशिक असर पर्न सक्ने भएकाले आवश्यक सतर्कता अपनाउन विभागले अनुरोध गरेको छ ।

प्रकाशित मिति: मंगलबार, मंसिर २५, २०८१ ११:११