स्वदेशी सिमेन्टको भाउ बढेपछि उद्योगमन्त्रीलाई निर्माण व्यवसायीको ज्ञापनपत्र

समाचार

गृहपृष्ठ
समाचार
स्वदेशी सिमेन्टको भाउ बढेपछि उद्योगमन्त्रीलाई निर्माण व्यवसायीको ज्ञापनपत्र

स्वदेशी सिमेन्टको भाउ बढेपछि उद्योगमन्त्रीलाई निर्माण व्यवसायीको ज्ञापनपत्र

मंगलबार, मंसिर २५, २०८१ ज्योति दैनिक

काठमाडौं । स्वदेशी सिमेन्ट उत्पादकले मिलेमतोमा भाउ बढाएसँगै भारतबाट शून्य भन्सार दरमा सिमेन्ट आयातको व्यवस्था मिलाउन सरकारसँग निर्माण व्यवसायीले माग गरेका छन् ।

मंगलबार उद्योग, वाणिज्य तथा आपूर्तिमन्त्री दामोदर भण्डारीलाई ज्ञापनपत्र बुझाउँदै नेपाल निर्माण व्यवसायी महासंघका प्रतिनिधिले शून्य भन्सार दरमा सिमेन्ट आयात खुला गर्न सरकारको ध्यानाकर्षण गराएका हुन् ।

निर्माण व्यवसायीले अत्यधिक मूल्य वृद्धिका कारण निर्माण क्षेत्रमा परेको असरबारे सरकारको ध्यानाकर्षण गराएका छन् ।

राज्यले व्यवसायीको अर्बौं रकम भुक्तानी गर्न नसकेको स्थितिमा भएको मूल्यवृद्धि खारेज हुनुपर्ने समेत उनीहरूको माग छ ।

मूल्यवृद्धि खारेज गर्न नसके निर्माणाधीन आयोजनाको पुनर्मूल्यांकन गरी सार्वजनिक खरिद ऐन अनुसार मूल्य समायोजन गर्नुपर्ने माग समेत व्यवसायीको छ ।

सिमेन्ट उद्योगीहरूले बोरामै २ सय रुपैयाँसम्म सिमेन्टको भाउ बढाएसँगै निर्माण व्यवसासीले मूल्यवृद्धिको विरोध गर्दै आएका छन् ।

प्रकाशित मिति: मंगलबार, मंसिर २५, २०८१ १३:४५