बिरगंज । बिरगंज स्थित मूनलाइट इङ्ग्लिस बोर्डिङ स्कूलका विद्यार्थीहरूले काठमाण्डौमा सम्पन्न दुईवटा राष्ट्रिय स्तरका बुद्धिचाल प्रतियोगितामा उत्कृष्ट प्रदर्शन गरेका छन् । बसुन्धरा नेशनल एकेडेमीले आयोजना गरेको तेस्रो अन्तरविद्यालयस्तरीय राष्ट्रिय बुद्धिचाल प्रतियोगितामा मूनलाइट स्कूलकी कक्षा ९ की छात्रा सनम श्रेष्ठ छात्रातर्फ प्रथम स्थान हासिल गर्न सफल भइन् । यस्तै, कक्षा ५ की छात्रा चाँदनी मुखियाले पनि प्रथम स्थान प्राप्त गरिन् । यसैगरी, कक्षा ५ का सुरेश मुखिया र सुन्दरम पटेलले सान्त्वना पुरस्कार हात पारे ।
त्यसअघि ट्रुङ्ग्राम इन्टरनेशनल एकेडेमी द्वारा आयोजित राष्ट्रिय बुद्धिचाल प्रतियोगितामा मूनलाइटकी सनम श्रेष्ठ द्वितिय भइन् । नेपालभरका १०६ विद्यालयका विद्यार्थीहरू सहभागी उक्त प्रतियोगितामा मूनलाइट स्कूलले ओभरअल उत्कृष्ट प्रदर्शन गर्दै द्वितीय स्थान प्राप्त ग-यो ।
विद्यालयका शिक्षक सुखल प्रसाद चौधरीले विद्यार्थीसँगै प्रतियोगिताको ट्रफी ग्रहण गरेका थिए । सहभागी विद्यार्थीहरूमा सनम श्रेष्ठ, चाँदनी मुखिया, सुरेश मुखिया, सुन्दरम पटेल, सन्नी साह, प्रिजेश श्रेष्ठ, संस्कार अर्याल, शुभम साह, र कक्षा २ का मयंश चौधरी रहेका थिए ।
विद्यालयका अभिभावक, शिक्षक, र विद्यार्थीहरूले यस उपलब्धिलाई गर्वका साथ मनाएका छन् । मूनलाइट इङ्ग्लिस बोर्डिङ स्कूलको यो सफलता शैक्षिक र अतिरिक्त क्रियाकलापमा विद्यार्थीहरूको लगनशीलताकै परिणाम भएको विद्यालयका प्रबन्ध निर्देशक सुलभ केसीले बताएका थिए।
-1743952758.jpeg)
-1743951094.jpeg)
-1743920818.jpg)
-1743952758.jpeg)
