भन्सार छली गरी ल्याएका लाखौं बराबरका लत्ताकपडाहरु बरामद

समाचार

गृहपृष्ठ
समाचार
भन्सार छली गरी ल्याएका लाखौं बराबरका लत्ताकपडाहरु बरामद

भन्सार छली गरी ल्याएका लाखौं बराबरका लत्ताकपडाहरु बरामद

बुधबार, पुस १७, २०८१ कन्हैया पटेल

बिरगंज l बिरगंजको कुम्हालटोल बाट अवैध रुपमा भन्सार छली गरी ल्याएका लाखौं बराबरका लत्ताकपडाहरु बरामद गरिएको छ ।

विशेष सुराकीका आधारमा आज बुधबारका दिन सशस्त्र प्रहरी बल नेपाल प्रस्तावित सीमा सुरक्षा गुल्म बिरगंज एवम् बिरगंज भन्सार कार्यालयको संयुक्त टोलीले बिरगंज महानगरपालिका वडा नम्बर ७ स्थित कुम्हालटोलको एक घरमा भारतबाट राजश्व छली चोरी पैठारी तथा अवैध रुपमा नेपाल भित्र्याई लुकाई छुपाई घरमा ल्याई भण्डारण गरी राखिएको अवस्थामा करीब ८ लाख २८ हजार बराबरको विभिन्न लत्ता कपडाहरू बरामद गरिएको छ ।

उक्त बरामद गरिएको समान आवश्यक अनुसन्धान तथा कारबाहीको लागि बिरगंज भन्सार कार्यालयमा पठाइएको । सशस्त्र प्रहरी नायब उपरीक्षक डि.एस.पी.लोकेन्द्र सुबाले जानकारी गराएका थिए । डि.एस.पी.सुबाले सशस्त्र प्रहरीको सक्रियताको कारणले भन्सार छली गरेर भित्र्याइएका सामान दिनँहुजसो नियन्त्रणमा लिँदै आएको जानकारी दिएका थिए।

प्रकाशित मिति: बुधबार, पुस १७, २०८१ १६:०५