अब नेपाली आइटी कम्पनीले विदेशमा कमाएर पैसा ल्याउन सक्छन् : प्रधानमन्त्री

समाचार

गृहपृष्ठ
समाचार
अब नेपाली आइटी कम्पनीले विदेशमा कमाएर पैसा ल्याउन सक्छन् : प्रधानमन्त्री

अब नेपाली आइटी कम्पनीले विदेशमा कमाएर पैसा ल्याउन सक्छन् : प्रधानमन्त्री

शनिबार, पुस २७, २०८१ ज्योति दैनिक

काठमाडौं । प्रधानमन्त्री केपी शर्मा ओलीले सूचना प्रविधि (आइटी) लाई विदेशी मुद्रा आर्जन गर्ने उद्योगका रुपमा विकास गर्नेमा विश्वास व्यक्त गरेका छन् ।

उनले सामाजिक सञ्जाल फेसबुकमार्फत नेपालमा आइटीको क्षेत्रमा काम गर्नेहरुका लागि केही कानुनी अप्ठ्यारा रहेको उल्लेख गर्दै शुक्रबारको मन्त्रिपरिषद्को बैठकले अध्यादेशमार्फत सम्बोधन गरेको बताएका छन् ।

‘हिजोको मन्त्रिपरिषद् बैठकले अध्यादेशमार्फत आइटीमा गरेको कमाइ स्वदेश भित्र्याउन सहज बनाउने कानुन राष्ट्रपतिज्यू समक्ष सिफारिस गरिएको छ । यसले आइटीलाई विदेशी मुद्रा आर्जन गर्ने उद्योगका रुपमा विकास गर्ने हाम्रो विश्वास छ’, उनले भने । प्रधानमन्त्री ओलीले अब नेपाली आइटी कम्पनीहरुले विदेशमा लगानी गर्न, विदेशमा शाखा कार्यालय खोलेर पैसा कमाउन र त्यसरी कमाएको पैसा कानुनी रुपमा भित्र्याउन पाउने भएको उनको भनाइ छ ।

प्रकाशित मिति: शनिबार, पुस २७, २०८१ १४:४०