जिल्ला अदालत काठमाडौँमा हाजिर हुँदै रवि लामिछाने

समाचार

गृहपृष्ठ
समाचार
जिल्ला अदालत काठमाडौँमा हाजिर हुँदै रवि लामिछाने

जिल्ला अदालत काठमाडौँमा हाजिर हुँदै रवि लामिछाने

आइतबार, पुस २८, २०८१ ज्योति दैनिक

काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछाने आज काठमाडौं जिल्ला अदालतमा उपस्थित हुने भएका छन् । लामिछानेमाथि काठमाडौंस्थित स्वर्णलक्ष्मी सहकारीमा ठगीको अभियोग लागेकाले उनी अदालतमा आफैँ हाजिर हुन लागेका हुन् ।

यसअघि पोखराको सूर्यदर्शन सहकारी ठगी प्रकरणमा पुस २५ गते धरौटीमा रिहा भएका पूर्वगृहमन्त्री लामिछाने पुस २६ गते साँझ काठमाडौं आइपुगेका थिए । रास्वपाका कार्यवाहक प्रवक्ता मनीष झाका अनुसार लामिछाने आज अदालतमा हाजिर हुनेछन् ।

उनविरुद्ध रुपन्देहीको सुप्रिम सहकारी, चितवनको सहारा चितवन सहकारी र पर्साको सानो पाइला सहकारी ठगी सम्बन्धी मुद्दाहरू पनि दर्ता हुने प्रक्रिया चलिरहेको छ ।

प्रकाशित मिति: आइतबार, पुस २८, २०८१ ०९:१४