छोराको जन्मदिनको उपलक्ष्यमा पर्साका दलित बालबालिकालाई शैक्षिक सामग्री वितरण

समाचार

गृहपृष्ठ
समाचार
छोराको जन्मदिनको उपलक्ष्यमा पर्साका दलित बालबालिकालाई शैक्षिक सामग्री वितरण

छोराको जन्मदिनको उपलक्ष्यमा पर्साका दलित बालबालिकालाई शैक्षिक सामग्री वितरण

शनिबार, माघ १२, २०८१ ज्योति दैनिक

वीरगन्ज । अष्ट्रेलियामा बस्दै आएका एक परोपकारी नेपालीले आफ्नो छोराको जन्मदिनको उपलक्ष्यमा पर्साको दलितबस्तीका बालबालिकाहरुलाई शैक्षिक सामग्री सहयोग गरेका छन्।

अस्ट्रेलियामा बस्दै आएका विजय पन्थीले २ वर्षीय छोरा आधरीत पन्थीको जन्मदिनको उपलक्ष्यमा पर्साको एक दलितबस्तीका ११० जना बालबालिकाहरुलाई शैक्षिक सामग्री सहयोग गरेका छन् ।अष्ट्रृलयाबाट पन्थीले पठाएको १२ हजार रुपैयाँमा कापी ,कलम ,सिसाकलम, कटर , इरेजर लगायतका सामग्री खरिद गरेर शुक्रबार सखुवा प्रसौनी गाउँपालिका वडा नम्बर ३ कौवाबन कटैयाका दलित समुदायका ११० जना बालबालिकाहरुलाई वितरण गरिएको पिस फोर दलित फाउन्डेसनका अध्यक्ष मनोज रामले जानकारी दिए ।

कौवाबन कटैयाँ गाउँमा फाउनडेनसले दलित तथा सीमान्तकृत समुदायका बालबालिकाको लागि सामुदायिक निशुल्क ट्युसन कक्षा तथा सिकाई केन्द्र सञ्चालन गर्दै आइरहेको छ ।त्यहि केन्द्रमा पढ्न आउने ११० जना बालबालिकालाई शुक्रबार कापी,कलम ,सिसाकलम , कटर , इरेजर वितरण गरिएको उनले बताए ।

त्यसअवसरमा रामसंगै दलित समुदायका अगुवा, स्थानीय अभिभावक,समाजसेवी लगायतकाकोपनि सहभागीता रहेको थियो ।

प्रकाशित मिति: शनिबार, माघ १२, २०८१ १८:५२