राष्ट्रिय युवा संघ नेपाल पर्सामा सर्वसम्मत नेतृत्व चयन।

समाचार

गृहपृष्ठ
समाचार
राष्ट्रिय युवा संघ नेपाल पर्सामा सर्वसम्मत नेतृत्व चयन।

राष्ट्रिय युवा संघ नेपाल पर्सामा सर्वसम्मत नेतृत्व चयन।

मंगलबार, फागुन ६, २०८१ ज्योति दैनिक

वीरगन्ज । एमालेका भातृ संगठन राष्ट्रिय युवा संघ नेपाल पर्सामा नयाँ नेतृत्व चयन भएको छ ।

युवा संघको प्रतिनिधिहरुको भेलाले पदाधिकारी तथा सदस्यहरुमा सर्वसम्मत नेतृत्व चयन गरेको हो । वीरगन्जमा सम्पन्न ८ औं जिल्ला अधिवेशनले सुबास साहको नेतृत्वमा राष्ट्रिय युवा संघ नेपालको नयाँ नेतृत्व चयन गरेको हो ।

भेलाले उपाध्यक्षमा दीपक पटेल, सचिवमा राकेश महतो, कोषाध्यक्षमा मुकेश यादव र उपसचिवमा मोहन वर्णवाल तथा साहिद अन्सारीलाई चयन गरेको जनाइएको छ ।

यही ४ गते वीरगन्जमा ८ औं जिल्ला अधिवेशनको उद्घाटन शत्र सम्पन्न भएको थियो । सहमतिको माध्यमबाट नेतृत्व चयन गर्नुपर्ने भएकोले ढिला गरी सर्वसहमतिले नयाँ नेतृत्वको चयन भएको राष्ट्रिय युवा संघ नेपालका उपमहासचिव महम्मद निजामले बताए ।

उनका अनुसार पार्टीभित्रको गुट÷उपगुटको असरबाट टाडा राख्नका लागि सबैसंग समन्वय गरेर सर्वसम्मत नेतृत्व चयन गरिएको हो ।

राष्ट्रिय युवा संघ नेपाल पर्सामा ५१ सदस्यीय जिल्ला कार्यसमिति चयन गरिएको छ । सबै सर्वसम्मत हिसाबले नै कार्यसमितिको चयन गरिएको राष्ट्रिय युवा संघ नेपालका उपमहासचिव निजाम बताउँछन् ।

भेलाको उद्घाटन शत्रमा पूर्वमन्त्री महेश बस्नेतसहितका एमाले नेताहरुको सहभागीता थियो ।

प्रकाशित मिति: मंगलबार, फागुन ६, २०८१ २०:११