सरकारी मोटरसाइकलमा लागूऔषध ओसारपसार गर्ने कार्यालय सहयोगी पक्राउ ।

स्थानिय

गृहपृष्ठ
स्थानिय
सरकारी मोटरसाइकलमा लागूऔषध ओसारपसार गर्ने कार्यालय सहयोगी पक्राउ ।

सरकारी मोटरसाइकलमा लागूऔषध ओसारपसार गर्ने कार्यालय सहयोगी पक्राउ ।

मंगलबार, भदौ १, २०७८ ज्योति दैनिक

वीरगंज। सर्लाहीमा सशस्त्र प्रहरीले सोमवार साँझ सरकारी नम्वर प्लेटको मोटरसाइकलमा लागूऔषध सहित एक जना कार्यालय सहयोगीलाई पक्राउ गरेको छ । सशस्त्र प्रहरी सुरक्षा बेस क्याम्प मनुष्माराले धनकौल गाउँपालिका–३ निवासी २६ वर्षीय जयकिशोर सिंहलाई ना १ ब २२१२ नम्वरको सरकारी मोटरसाइकलसहित नियन्त्रणमा लिएको हो । सिंहको साथबाट लागूऔषध कोडिवेल कफ सिरफ सय एमएलको ३७१ बोतल बरामद भएको सशस्त्र प्रहरी उपरीक्षक (एसपी) गंगाराम श्रेष्ठले जानकारी दिए ।

मनुष्मारास्थित चेक प्वाईन्टमा रोकेर चेकजाँच गर्न खोज्दा फरार भएका सिंहलाई शसस्त्र प्रहरी निरीक्षकको कमाण्डमा रहेको टोलीले बरहथवा नगरपालिका–८ टाँडीबाट लागूऔषधसहित पक्राउ परेका सिंह धनकौल गाउँपालिकाका कार्यालय सहयोगी हुन् । उनलाई थप अनुसन्धानका लागि नेपाल प्रहरीको जिम्मा लगाइसकिएको सशस्त्र प्रहरी उपरीक्षक श्रेष्ठले बताए ।

प्रकाशित मिति: मंगलबार, भदौ १, २०७८ ०९:४७