पर्सा । भनिन्छ, एकपटक सबैको दिन आउँछ, बारम्बार कसैको सुदिन नआउन सक्छ । नेपाली राजनीतिमा पनि यस्ता पात्रहरु छन् कुनैबेला निकै चर्चित त कुनै बेला टर्च लगाएरै खोज्नुपर्ने अवस्थासम्म । विगतमा पनि यस्ता धेरै पात्रहरुको नेपाली राजनीतिमा जन्म भयो, कति अस्ताए, कति बाँकी छन् तर नाम निशाना कमै भेटिन्छ ।
नेपालको राजनीतिमा पछिल्लो समय चर्चित बनेका दुई अनुहार हुन् हालका मधेस प्रदेशका कृषि मन्त्री एवं नेपाली कांग्रेस पर्सा जिल्ला सभापति जनार्दन सिंह क्षेत्री र पूर्व उद्योग मन्त्री एवं संघीय सांसद रमेश रिजाल ।
सरकारको नेतृत्व गरिरहेका बेला जिल्ला सभापति एवं कृषि मन्त्री सिंहको काम कारबाही उत्साहप्रद नदेखिएको भन्दै आलोचना शुरु हुन थालेको छ ।पर्सा बासीका अनुसार नेताहरूको लोकप्रियता खस्किँदै गएको र जनताहरुको महत्त्वाकाङ्क्षा बढ्दै गएको छ ।
राजनीतिक विश्लेषकहरुका अनुसार अहिलेकै अवस्थाले मुलुकमा भयावह अवस्था हुने दाबी छ । सरकारको नेतृत्व गरिरहँदा पनि उहाँहरूले जनताको काम भन्दा पनि पार्टीका आफना कार्यकर्ताको काममा बढी सक्रिय भएकाले पनि अलोकप्रियता बढ्दै गएको छ ।
१६ वर्ष पछि सम्पन्न भएको ठाकुर राम बहुमुखी क्याम्पसको स्वबियु निर्वाचनमा संस्थापक पक्षको पराजयसँगै उनकै नेतृत्वबाट स्वतन्त्र उम्मेदवारले विजयी हासिल गर्दा नेता सिंह र रिजालको चर्चा हुन्न थालेको छ ।
आम जनसमुदायको भनाई अनुसार पार्टीलाई सभापति सिंह र नेता रिजालले आफ्नो व्यक्तिगत सम्पति जस्तै कब्जा गरी लग्ने नीति अपनाए अनुसार केही नेताहरू असन्तुष्ट भई स्वतन्त्र उम्मेदवार बनाई चुनाव जिताउन सफल भएका हुन् ।
यो सम्पन्न स्वबियु निर्वाचनको परिणामले साबित गरेको छ कि उहाँहरुको लोकप्रियता घटेसँगै आम जनसमुदायको विश्वास पनि घट्दै गएको छ । यसको मुख्य घटा भने आउने ८४ को चुनावमा हुनेछ भने उहाँहरुको तर्क रहेको छ ।
