वीरगञ्ज । वीरगञ्ज महानगरपालिकाका पूर्वनगरप्रमुख विजय कुमार सरावगीले आज वीरगञ्जको समसामयिक विषयमा छलफल गरेका छन्।
शनिबार आफ्नो निजी निवासमा आयोजित उक्त छलफल कार्यक्रममा विभिन्न वडाका एमाले अध्यक्षहरू, पार्टीका नेता तथा कार्यकर्ताहरूको सहभागिता रहेको थियो।
पूर्व नगरप्रमुख सरावगीले वीरगञ्ज महानगरपालिकामा हाल उत्पन्न विभिन्न समस्याहरू, विकास निर्माणका अवरोध, जनताको आवश्यकता र समस्याहरूलाई सम्बोधन गर्ने विषयमा गहन छलफल गरेका हुन्।
वडा अध्यक्षहरू तथा सहभागीहरूले नगर क्षेत्रका समस्या र समाधानका उपायहरूबारे आफ्ना धारणा प्रस्तुत गरेका थिए। स्थानीय विकासका योजना, यातायात व्यवस्थापन, सफाइ अभियान, शिक्षा र स्वास्थ्य सेवामा सुधारका उपायहरूमा विशेष जोड दिइएको छलफलमा सहभागीहरूले बताएका छन्।
पूर्वनगरप्रमुख सरावगीले पार्टीको संगठन सुदृढ पार्दै जनताको सेवामा अझ प्रभावकारी रूपमा कार्य गर्ने प्रतिवद्धता व्यक्त गरेका छन्। वीरगञ्जको विकास र जनताका आवश्यकता पूर्तिका लागि सबै तहका पार्टी सदस्यहरूलाई एकजुट भएर काम गर्न उनले आह्वान गरेका छन्।
छलफलमा सहभागी एमाले नेताहरूले पार्टीको आगामी रणनीति र नगरवासीका समस्याको समाधानका लागि ठोस योजना अघि बढाउने प्रतिबद्धता व्यक्त गरेका छन्। स्थानीयस्तरमा पार्टीको भूमिका अझ बलियो बनाउँदै जनतासँगको सम्बन्धलाई थप प्रगाढ बनाउने उद्देश्यले यस्ता कार्यक्रम निरन्तर आयोजना गरिने पनि जनाइएको छ।
-1743606483.jpeg)
