वीरगंज । पकाहामैनपुर गाउँपालिकामा नेकपा एमाले पार्टीको पालिका स्तरीय अगुवा कार्यकर्ता भेला सम्पन्न भएको छ । पकाहामैनपुर गाउँपालिका वडा न. २ सुर्जहा स्थित गाउँपालिका कमिटी अध्यक्ष अकलेश साहको अध्यक्षता तथा नेकपा एमालेका प्रदेश कमिटी सदस्य तेजप्रकाश निषादको प्रमुख अथितित्वमा सम्पन्न भएको हो ।
नेकपा एमाले पार्टी पर्साको पार्टी कार्यालयमा भएको जिल्ला कमिटी बैठकले आगामी भाद्र २९ गतेसम्म टोल कमिटी, वडा कमिटी र पालिका कमिटी गठन गरि सक्नुपर्ने निर्देशन जारी गरेको प्रदेश कमिटी सदस्य निषादले बताए । जिल्ला कमिटी भेलाले गाउँपालिका स्तरीय कमिटी गठन गर्नका लागि गाउँपालिका अध्यक्ष अकलेश साह र सचिव राजेश साहनीलाई गाउँपालिकाको प्रतिनिधित्व गर्ने निर्देशन दिएको थियो।
आज भएको अगुवा कार्यकर्ता भेलामा विभिन्न विषयहरु माथी छलफल गरि जिल्ला कमिटीको निर्णय अनुसार पकहामैनपुर गाउँपालिकामा वडा समन्वय समिति गठनको लागि सहजीकरण गर्न प्रत्येक वडामा ५/५ जनाको समन्वय समिति गठन गरिने अध्यक्ष साहले बताए । गठन गरिने ५/५ जनाको समन्वय समितिले वडा कमिटी गठन गर्न व्यवस्थापन गर्न जिम्मेवारी दिइने अध्यक्ष साहले बताए ।
आज भएको भेलामा पूर्व संविधान सभा सदस्य फूलझरी देवी , हृदयनारायण महतो , धामु शर्मा , मदन पासवान , विन्दा दास , मन्जुर गदी , रामाकान्त साह , ध्रुव राउत , रवीन्द्र दास ,साधु राम , कुनाल पटेल , अब्दुल हवारी , लीलेश चौहान , दिनेश साह लगायतको उपस्थिति रहेको थियो।
