काठमाडौं । राष्ट्रिय प्रजातन्त्र पार्टी (राप्रपा) का नेता एवं पूर्वमन्त्री प्रकाशचन्द्र लोहनीले काठमाडौं महानगरपालिकाले तीनकुनेको हिंसात्मक प्रदर्शनमा पूर्वराजा ज्ञानेन्द्रलाई जोडेर जरिवाना पत्र काट्नु गलत रहेको बताएका छन् । काठमाडौं महानगरले हिजो पूर्वराजा ज्ञानेन्द्र शाहको नाममा विभिन्न शीर्षको ८ वटा पत्र काट्दै ७ लाख ९३ हजार जरिवाना तोकेको थियो ।
गत शुक्रबार काठमाडौंका तीनकुनेमा भएको हिंसात्मक प्रदर्शनमा महानगरको सम्पत्तिमा क्षति पुगेको, प्रदर्शनका कारण वातावरण प्रदुषण भएको, दमकलमा क्षति पुगाएको लगायतका आरोपमा महानगरले पूर्वराजालाई पत्र काटेको थियो ।
महानगरको उक्त पत्रको खण्डण गर्दै नेता लोहनीले सामाजिक सञ्जालमार्फत भनेका छन्ः
मेयर बालेन शाहले राजा ज्ञानेन्द्रलाई जरिवाना तोक्नु भएछ । के यो ठीक हो ? एकपटक निम्न बुदाहरु विचार गरौ।
१) चैत्र १५ गतेको राजनैतिक कार्यक्रममा दुई पक्ष थिए ।एउटा कार्यक्रम गर्ने पक्ष र अर्को कार्यक्रम गर्न स्वकृति
दिनेपक्ष अर्थात नेपाल सरकार ।
२) कार्यक्रम सरु भएर मञ्चमा बोल्नु अगाडि नेपाल सरकारकों तर्फबाट मकै पड्केको जस्तो गरी
मञ्चमा अश्रुग्यास प्रहार भयो।म स्वयं बोल्नेप्रयास गर्दै थिए अश्रुग्यास प्रहारबाट आखा नदेख्ने र स्वास फेर्न
पनि गाह्रो अवस्थामा पुगे ।
३) ठूलो भीडको बिचमा,आफैले भाषण गर्न स्वृकृति दिएको सभामा र भाषण गर्ने मञ्चमा समेत अश्रुग्यास प्रहार
गर्नु कुन नियम, कानुन र प्रोटोकलले जायज छ ।
यस्को दोषी को हो ?
४) अश्रुग्यास प्रहारबाट भीड आक्रोसित भएर तितरवितर भयो । आफूले स्विकृती दिएर स्वभावत भइरहेको भाषण
र आमसभालाई नेपाल सरकार स्वयंले भाड्यो र आतङ्कको स्थिति सिर्जना गयो । यो तथ्यलाई बालेन जीले
कसरी हेर्नु भएको छ ?
५) यस पछिको आक्रोसित भीड र प्रहरीबीच द्धन्द र नोक्सानसमेत भयो ।
६) माथि १ देखि ५ सम्मको घटनामा बालेनको नजरमा राजा ज्ञानेन्द्र शाह कसरी र किन जोडिन पुग्नुभयो।
७) कानुन बमोजिम यो सब घटनामा स्विकृती लिने र दिने पक्ष हुँदाहुँदै सबै तथ्य बिर्सियर राजा ज्ञानेन्द्र शाहालाई
जरिवाना भन्ने पत्र पठाउन नेपालको कुन कानुन र मान्यताले दिन्छ ?
बालेन जीले जनतालाई राम्रो संग बताउनु पर्यो ।
अन्यथा यो पत्राचार लाई सस्तो लोकप्रियताको दौड मात्र रहेको बुझ्नुपर्ने भएको छ । बालेन जि, मजस्ता धेरै काठमाण्डैंबासी शुभचिन्तक तथा आमनागरिक अहिलेसम्म तपाइका हितैसी छौं ,तर अब हामीलाई जवाफ चाहियो ।
-1743606483.jpeg)
