पर्सा । पर्साको बिरगंज महानगरपालिकास्थित रहेको देशकै दोश्रो ठूलो अस्पताल नारायणी अस्पताल झण्डै दुई महिनादेखि एक्सरे गर्ने प्राविधिकविहीन बनेको छ । रेडियोलोजिष्ट तर्फ ४ जना कर्मचारीको दरबन्दी रहेको नारायणी अस्पतालमा १ जना मात्र भएकोले अध्ययनका लागि आउने विद्यार्थीको भरमा एक्सरे कार्य सञ्चालन हुँदै आएको छ ।
दुई महिना यतादेखि कर्मचारी कोही नहुँदा नारायणी अस्पतालमा अन्य मेडिकल कलेजबाट अध्ययनका लागि आएका विद्यार्थीहरूको भरमा नारायणी अस्पताल सञ्चालन हुँदै आएको हो ।रेडियोलोजिष्ट ,रेडियोग्राफर र टेक्नोलोजिष्ट गरेर ४ जनाको दरबन्दी भए पनि स्वास्थ्यकर्मी कोही पनि नभएको यहाँका सेवाग्राहीले गुनासो गरेका छन् ।
प्रशिक्षणका लागि आएका विद्यार्थीहरूकोले मेडिकल विद्युतिय उपकरणको सहयोगमा आफूहरुले सेवा सञ्चालन गरेको बताउँछन् , साथै जटिल समस्या कारण सेवा लिन पुगेका बिरामीले रित्तो हात घर फिर्ता हुनुपरेको बताइएको छ ।
नारायणी अस्पताल वीरगन्जमा पर्सा , बारा र रौतहट गरी तीन जिल्ला लगायत छिमेकी मुलुक भारतबाट पनि बिरामीहरू उपचारका लागि आउँछन् तर जनशक्तिको अभावमा उपचार नपाउँदा निरास भएर घर फर्किएका छन् ।
आर्थिक अभावका कारण सरकारी अस्पतालमा सामान्य उपचारका लागि कोही २ घण्टाको बाटो भएर नारायणी अस्पतालमा पुग्ने गरेका अशक्त बिरामीले उपचार नपाउँदा निजी अस्पतालमा जानु परेको गुनासो बिरामीहरू सुनाउँछन् ।
बाराको करैयामाई गाउँपालिका वडा नं ५ गन्जभवानीपुरबाट गजेन्द्र रामले हाथको एक्सरे गराउन बिहान टेम्पोको सवारी गरी आएका बिरामीले जनशक्ति अभावमा बिहान १० बजे अस्पताल पुगेका उहाँहरूले ३ बजेसम्म एक्सरे नहुँदा निरास भएका थिए । दरबन्दीअनुसार संघीय सरकारले कर्मचारी नपठाउँदा यो समस्या निम्तिएको सेवाग्राहीहरुको गुनासो छ ।
७ वटा दरबन्दी रहेकोमा करारका प्राविधिक कर्मचारीहरुले सेवा सुचारु राखेको भएपनि केही दिन अगाडि संघीय सरकारले करार सम्झौता भंग गर्दा उक्त दिन देखि विद्युतिय उपकरणको सहयोगमा विद्यार्थीहरुले सेवा सुचारु गर्दै आएका छन् ।
नारायणी अस्पताल विकास समितिका अध्यक्ष धीरज गुप्ताले पटक पटक रिक्त पद रहेका कर्मचारीको पदपूर्तिका लागि मन्त्रालय गुहारे पनि कुनै सुनवाई नभएको गुनासो पोखे ।
रेडियोलोजिष्ट डाक्टर पुष्पराज अधिकारीले आफू एक्लै भएकाले काम गर्न गाह्रो भएको, बिरामी आउँदा समस्या हुने गरेको बताए । नारायणी अस्पतालमा यतिबेला बिरामीको चाप बढेको छ । मैले हेर्ने भिडियो एक्सरेमा दैनिक १४० जना विरामी आउने गरेको बताए । त्यसमध्ये १२० जनाको भिडियो एक्सरे आफूले गर्ने उनले बताए बाँकी रहेका हरुको भोली पल्ट गरिने बताए ।
-1743606483.jpeg)
