पर्सा । सनातन हिन्दू राष्ट्र नेपाल स्थापना हेतु हुने आन्दोलनका लागि तयार रहन सम्पूर्ण सरोकारवालालाई वरिष्ठ नेता संतोषानन्द महाराजले अनुरोध गरेका छन । । नेपाल जनता पार्टी जिल्ला समिति पर्साको बैठकलाई सम्बोधन गर्दे नेता संतोषानन्द महाराजले हिन्दू राष्ट्र पक्षधर सम्पूर्ण शक्तिलाई आफनो पूर्ण साथ र समर्थन रहने बताए । नेपालीहरुको पहिचान विश्व सामु हिन्दू राष्ट्रबाट रहेको तथा धर्म निरपेक्षताको आड़मा केवल हिन्दूहरु माथि अत्याचार,दमन, शोषण, अन्याय र पिड़ा दिने कार्य व्यापक रूपमा भई रहेको उनको दाबि छ ।
गाईहत्या, धर्म परिवर्तन, मठ मन्दिर माथि आक्रमण, हिन्दू अभियान्तालाई झूठा मुदा लगाउने, लब जिहाद जस्ता अनेकौ उदाहरण रहेका अहिलो पस्थितीमा देखा परेको उनको भनाई छ । भोटको बेला ठुला राजनीतिक दलले हिन्दूलाई मात्र ठगने गरेकोे सनातन हिन्दू राष्ट्र नेपाल सम्पूर्ण नेपालीहरुलाई एक सूत्रमा बाधने सेतु रहेको उनको ठम्याई छ ।
रानी सती मन्दिर वीरगञ्जमा भएको बैठकमा नेपाल जनता पार्टीका केन्द्रिय सदस्य सुरेश साह कानू, अधिवक्ता बिनोद प्रसाद कुर्मी, पारस दुबेदी, मधेश प्रदेश समिति सदस्यहरु राम प्रसाद कुर्मी, विभा साह,पर्सा जिल्ला अध्यक्ष अनिल कुर्मी,उपाध्यक्ष धिरज साह हलुवाई, महामन्त्री नबिन मिश्रा, मन्त्री आनन्द सिंहकुर्मी, प्रमोद शर्मा, कोषाध्यक्ष राजेश साह कलवार, सह–कोषाध्यक्ष संतोष कुशवाहा, कार्य समिति सदस्यहरु पियूष गुप्ता, अंशू कुमार प्रजापति, सुमंत कुमार दीप, मधुसूदन ठाकुर लोहार, भगल महरा, मुना साह तेली, विनय सिंह राजपुत, मनीष वर्णवाल, अजय पासवान, जयश्री देवी साह, रंजिता देवी, महिला मोर्चा पर्सा संयोजक संगीता गुप्ता, सह–संयोजक रेखा वर्णवालको सहभागीता रहेको थियो ।
