वीरगन्जमा गहवामाईकाे डाेली यात्रा निकालिदैं

समाचार

गृहपृष्ठ
समाचार
वीरगन्जमा गहवामाईकाे डाेली यात्रा निकालिदैं

वीरगन्जमा गहवामाईकाे डाेली यात्रा निकालिदैं

शनिबार, चैत २३, २०८१ ज्योति दैनिक

वीरगन्ज । वीरगन्जमा आज(शनिबार)गहवमाई माताको दोस्रो डोली यात्रा निकालिदै छ । वीरगन्जको प्रमुख शक्तिपिठ गहवामाई मन्दिरबाट गत वर्षदेखि गहवामाई माताको डोली यात्रा निकाल्न थालिएको हो ।

यस वर्षपनि आज चैते दशैंकाे अष्टमीका दिन गहवमाईको दोस्रो डोली यात्रा निकाल्न लागिएको माईस्थान मन्दिर सञ्चालक समितीका अध्यक्ष नरेन्द्र साहले जानकारी दिए ।

डोली यात्राका लागि सम्पूर्ण तयारी पूरा भइसकेको जानकारीपनि उनले दिए । उनका अनुसार आज अपरान्ह ४ बजे गहवामाई मन्दिरको प्रांगणबाट निशानसहित गहवामाईको डोली यात्रा सुरु हुनेछ । त्यसअघि दिउँसो २ बजे गहवामाईको डोली र निशानको विशेष पूजा हुनेछ । त्यसपछि २ नम्बर रोड,वीर्ता मन्दिर हुदैं त्यहाँँबाट अलखीयामठ, महावीरस्थान, माईस्थानको चोक परिक्रमा गर्दै डोली यात्रा पुन गहवामाई मन्दिर प्रांगणमा पुगेर समापन हुनेछ ।

डोली यात्रापछि आजै साँझ गहवमाई मन्दिर अगाडि महाआरतीको कार्यक्रम पनि रहेको अध्यक्ष साहले बताए । डोली यात्रामा सहभागी हुने भक्तजनहरुलाई गहवामाईको तस्बिर अंकीत निशान यसपालिपनि वितरण गरिनेछ । डोली यात्राको सहयोग स्वरुप प्रति निशानको शुल्क ३ सय ५० रुपैयाँ तोकिएको साहले बताए । अध्यक्ष साहका अनुसार, गत वर्षको पहिलो डोली यात्रामा ६ सय ५० वटा निशान वितरण गरिएको थियो।

प्रकाशित मिति: शनिबार, चैत २२, २०८१ ११:५०