वीरगंज ठोरी हुलाकी सडकमा बानिया निर्माण सेवाको गुनस्तरहिन काम सिडियो फिल्डमा आएर अनुगमन गर्नु पर्ने स्थानीयको माग

अर्थ - बाणिज्य

गृहपृष्ठ
अर्थ - बाणिज्य
वीरगंज ठोरी हुलाकी सडकमा बानिया निर्माण सेवाको गुनस्तरहिन काम सिडियो फिल्डमा आएर अनुगमन गर्नु पर्ने स्थानीयको माग

वीरगंज ठोरी हुलाकी सडकमा बानिया निर्माण सेवाको गुनस्तरहिन काम सिडियो फिल्डमा आएर अनुगमन गर्नु पर्ने स्थानीयको माग

सोमबार, कात्तिक १७, २०७७ ज्योति दैनिक

वीरगंज, १७ कात्तिक
वीरगंज(ठोरी निर्माणाधीन हुलाकी सडकको काम गुणस्तरहीन भएपछि अनुगमनको माग गर्दै स्थानीयले सडक निर्माण अवरुद्ध गरेका छन् ।
ठोरी वडा नं ३ अन्तर्गत ढुङ्गे बजार क्षेत्रमा कालोपत्रेको अन्तिम ‘लेयर’ पिच गरेको दुई दिन नबित्दै उप्किएपछि स्थानीयले विराध गरेका हुन् । दशैंको बेला स्थानीय बासिन्दा आआफ्नै घरमा व्यस्त रहेको मौका छोपी निर्माण कम्पनीले हतार(हतारमा कालोपत्रे गरेको र अन्तिम ‘लेयर’ पिच हातले खोस्रिंदा उप्किने अवस्थमा रहेको ढुङ्गे बजारका बासिन्दाले बताएका छन् । मोटरसाइकल गुड्दासमेत भत्कने र औजारविना हातले खोस्रदा नै उप्किने किसिमको गुनस्तरहिन कालो पत्रे रहेको स्थानीय विरमान श्रेष्ठले बताएका छन् । हुलाकी सडक निर्माण परियोजनाका प्राविधिकहरूका अनुसार सडकमा डबल कोड अर्थात् दुई लेयरको कालोपत्रे हुन्छ। पहिलो लेयरभन्दा दोस्रो अर्थात् अन्तिम लेयर निकै मिहीन र एकापसमा जाम भएको हुनुपर्छ। तर ठोरी क्षेत्रको हुलाकी सडकमा पहिलो लेयरभन्दा दोस्रो लेयर बुरबुराउँदो, छिद्र भएको र एकापसमा जाम नभएको अवस्थामा छ । कालोपत्रेको अन्तिम लेयर पिच गर्ने बेला मेशिनमा आएको खराबीका कारण केही ठाउँमा पिच उप्किएको बानियाँ निर्माण सेवामा कार्यरत एक प्राविधिकले खुलासा गरेका छन । तर निर्माण कम्पनीका फिल्डमा खट्ने अधिकारीहरू भने आफ्नो कमजोरी लुकाउन गुणस्तरहीन कामलाई नै सदर गराएर अगाडि बढ्ने पक्षमा देखिएका छन् । सो क्षेत्रका क्षेत्रका बासिन्दाले मुख्यतः फिल्डमा खट्नेहरूकै दोष रहेको भन्दै पर्साका प्रमुख जिल्ला अधिकारी र हुलाकी सडक परियोजनाका अधिकारी फिल्डमा आएर निरीक्षण गर्नु पर्ने साथै दोषीमाथि कारबाई गर्नुपर्ने माग राखेका छन् । उक्त सडक निर्माण बाणिया निर्माण सेवा प्रलि मकवानपुरले गरिरहेको छ । निर्माण कम्पनीका फिल्ड सुपरभाइजर उद्धव न्यौपानेले भने सडक निर्माण कार्य निर्धारित मापदण्ड अनुसारको गुनस्तरिया रहेको दावि गरेका छन् । केही खाइपल्केका व्यक्तिहरुले पैसाको लागि काममा अवरोध गरेको उनको आरोप छ । यस सम्बन्धमा पर्साका प्रमुख जिल्ला अधिकारी आसमान तमाङगले पछिल्लो समस्या बारे आफुलाई कुनै पक्षबाट पनि कुनै जानकारी नआएको भन्दै यथाशिघ्र बास्तविक्ता बुझ्ने र कारवाई प्रकृया अगाडि बढाइने बताएका छन् । उनले यस अघि पनि प्रथम लेयर कालो पत्रे गर्ने बेला आफुलाई गुनासो आएको र निर्माण कम्पनीका ठेकदार, स्थानीय प्रहरी प्रशासन र स्थानीय पालिकालाई समन्वय गरि समस्या समाधान गरिएको स्मरण गराए ।

प्रकाशित मिति: सोमबार, कात्तिक १७, २०७७ १७:२०