वीरगञ्ज । आफ्नै छोरीमाथि बलात्कार गर्दै भिडियो खिचेर राख्ने एक जनालाई पर्सा प्रहरीले नियन्त्रणमा लिएको छ ।
आफ्नै छोरीमाथि बलात्कार गरेर बाल यौन शोषण सामग्री (सीएसएएम) समेत आफ्नो जिमेल खाताको गुगल ड्राइभमा राख्ने व्यक्तिलाई पर्सा प्रहरीले नियन्त्रणमा लिएको हो ।
पर्सा प्रहरीका अनुसार राष्ट्रिय हराइरहेका तथा शोषित बालबालिका केन्द्र (एनसीएमईसी) बाट प्राप्त साइबर टिपलाइन प्रतिवेदन मार्फत साइबर ब्युरो काठमाडौँ भोटाहिटीमा सूचना आएपछि प्रहरीले अनुसन्धान सुरु गरेको थियो ।
सो क्रममा क्रममा शङ्कास्पद व्यक्तिको मोबाइल नम्बरहरू (९८०५३७१४१०, ९७०४७५५०२६, ९८२७५४६६०१) र जिमेल खाता प्रयोग भएको पत्ता लागेको थियो ।
अनुसन्धान गर्दै जाँदा जिल्ला ३४ छपकैया (प) २०८१/०८२ (नाम थर परिवर्तन) ले आफ्नै छोरीलाई बाल यौन शोषण सामग्री देखाएर बलात्कार गरेको र उक्त घटनाको भिडियोसमेत गुगल ड्राइभमा सङ्ग्रह गरेको खुलासा भएको पर्सा प्रहरीका प्रवक्ता एवम् प्रहरी नायव उपरीक्षक (डिएसपी) किशोर लम्सालले जानकारी दिए ।
डिएसपी लम्सालका अनुसार साइबर ब्युरो भोटाहिटी काठमाडौँ र जिल्ला प्रहरी कार्यालय पर्साको संयुक्त टोलीले मिति चैत २२ गते दिउँसो ३ बजेको समयमा जिल्ला ३४ छपकैया (प) २०८१/०८२ लाई बाल यौन शोषण सामग्रीसहितको भिडियो भएको मोबाइलसहित नियन्त्रणमा लिएको थियो ।
पक्राउ परेका व्यक्तिविरुद्ध बलात्कारसम्बन्धी अपराध र विद्युतीय कारोबार ऐन २०६३ अन्तर्गत मुद्दा दायर गरिएको छ उनले बताए । पर्सा प्रहरीको नियन्त्रणमा रहेका अभियुक्तलाई पर्सा जिल्ला अदालतबाट ७ दिनको म्याद लिएर प्रहरीले थप अनुसन्धान गरिरहेको जिल्ला प्रहरी कार्यालय पर्साले जनाएको छ ।
-1744700336.jpg)
-1744081127.jpg)
-1744685939.jpg)
-1744700336.jpg)
