दाजुभाइबिच जग्गा विवादः बन्दुक चलाउन खोज्दा पक्राउ

समाचार

गृहपृष्ठ
समाचार
दाजुभाइबिच जग्गा विवादः बन्दुक चलाउन खोज्दा पक्राउ

दाजुभाइबिच जग्गा विवादः बन्दुक चलाउन खोज्दा पक्राउ

बिहीबार, चैत २८, २०८१ ज्योति दैनिक

वीरगन्ज । पर्सामा जग्गाको विषयमा भएको झगडाका क्रममा आफ्नै भाइमाथि बन्दुक ताकेर चलाउन खोज्ने एक जना पक्राउ परेका छन्। जग्गाको विषयमा दाजुभाइबीच झगडा हुँदा बन्दुक निकालेर चलाउन खोज्ने दाइलाई कटुवा पेस्तोलसहित प्रहरीले पक्राउ गरेको हो।

प्रहरीले सखुवा प्रसौनी गाउँपालिका–६ एकडर्वा बस्ने ६० वर्षीय वीरेन्द्र यादवलाई पक्राउ गरेको पर्साका प्रहरी नायब उपरीक्षक किशोर लम्सालले बताए।

उनका अनुसार बुधवार गाउँमा जग्गाको विषयमा वीरेन्द्र र उनका भाइ ५५ वर्षीय सिकेन्द्र यादवबीच झगडा भइरहेको थियो। त्यही बेला दाजु विरेन्द्रले आफूसँग भएको कटुवा पेस्तोल निकालेर चलाउन खोजे। वीरेन्द्रले बन्दुक प्रहार गर्न खोज्न लाग्दा घटनास्थलमा पुगेको प्रहरीले लगत्तै उनलाई पक्राउ गरेको प्रहरी नायब उपरीक्षक लम्सालले बताए।

वीरेन्द्रको साथबाट एक थान कटुवा पेस्तोल र चार राउण्ड गोली बरामद भएको पर्सा प्रहरी नायब उपरीक्षक लम्सालले बताए।

प्रहरी चौकी महुवनबाट खटिएको प्रहरी टोलीले यादवलाई पक्राउ गरेको हो। उनको साथबाट प्रहरीले ना २३ प ४८७७ नम्बरको मोटरसाइकलसमेत
बरामद गरेको लम्सालले बताए।

बन्दुक र गोलीसहित पक्राउ परेका वीरेन्द्रलाई आवश्यक कारबाहीका लागि इलाका प्रहरी कार्यालय पोखरियामा राखिएको र उनीविरुद्ध हातहतियार तथा खरखजाना कसुरमा पर्सा जिल्ला अदालतबाट ५ दिनको म्याद लिइ आवश्यक अनुसन्धान सुरु गरिएको प्रहरी नायव उपरीक्षक लम्सालले जानकारी दिए।

प्रकाशित मिति: बिहीबार, चैत २७, २०८१ १०:३५