तीन वर्षपछि जनकपुरमा लक्ष्यभन्दा बढी राजश्व संकलन

समाचार

गृहपृष्ठ
समाचार
तीन वर्षपछि जनकपुरमा लक्ष्यभन्दा बढी राजश्व संकलन

तीन वर्षपछि जनकपुरमा लक्ष्यभन्दा बढी राजश्व संकलन

आइतबार, चैत ३१, २०८१ ज्योति दैनिक

धनुषा । आन्तरिक राजश्व कार्यालय जनकपुरले तीन वर्षपछि लक्ष्यभन्दा बढी राजश्व संकलन गर्न सफल भएको छ । चालु आर्थिक वर्षको फागुनसम्म २ अर्ब ८५ करोड ३ लाख ५१ हजार लक्ष्य रहे पनि २ अर्ब ८९ करोड ३३ लाख ९७ हजार संकलन भएको हो छ ।

फागुनमा मात्र ३३ करोड ४२ लाख ७६ हजार राखेको लक्ष्यभन्दा झन्डै ५ करोड बढी राजश्व उठाउन सफल भएको हो ।

यसका साथै छुट सुविधाको प्रचारप्रसार, बजार अनुगमन, अन्तःशुल्क प्रतिष्ठानहरूको नियमित निरीक्षण, बक्यौता र बेरुजुलाई प्राथमिकतामा राखी सेवा प्रवाहमा सुधार भएका कारण लक्ष्यभन्दा बढी राजश्व उठेको हो । आन्तरिक राजश्व कार्यालयको तथ्यांक अनुसार आर्थिक वर्ष २०७८/०७९ मा लक्ष्यको ९४ प्रतिशत, २०७९/०८० मा ९३ प्रतिशत र २०८०/०८१ मा ८६ प्रतिशत मात्र राजश्व संकलन भएको थियो । मधेश प्रदेशको धनुषा, महोत्तरी, सर्लाही र बागमती प्रदेशको सिन्धुली जिल्ला आन्तरिक राजश्व कार्यालय जनकपुरको क्षेत्राधिकारभित्र छ ।

प्रकाशित मिति: आइतबार, चैत ३०, २०८१ २१:२८