सीके राउतको ‘भ्रष्टाचार काण्ड’ बारे जनमतका अनुशासन विभाग प्रमुखको १० बुँदे आरोप

समाचार

गृहपृष्ठ
समाचार
सीके राउतको ‘भ्रष्टाचार काण्ड’ बारे जनमतका अनुशासन विभाग प्रमुखको १० बुँदे आरोप

सीके राउतको ‘भ्रष्टाचार काण्ड’ बारे जनमतका अनुशासन विभाग प्रमुखको १० बुँदे आरोप

सोमबार, वैशाख ८, २०८२ ज्योति दैनिक

काठमाडौं । जनमत पार्टीका निलम्बित उपाध्यक्ष तथा अनुशासन आयोगका प्रमुख दीपककुमार साहले पार्टीका कोषाध्यक्ष सुरेन्द्रनारायण यादवलाई ठगी प्रकरणमा पक्राउ गर्नुमा अध्यक्ष सीके राउतको हात रहेको भन्दै १० बुँदे खुलासा गरेका छन् ।

साहले सोमबार प्रेस विज्ञप्ति जारी गर्दै मधेश आश्रम नामको घर निर्माण सीके राउतकै योजनामा भएको र त्यस क्रममा करोडौं रकम उठाइएको भन्दै अहिले सोही प्रकरणमा यादवलाई पक्राउ गराइएको बताएका छन् ।

उनलाई समानुपातिकको सूचीमा राख्न ५० लाख मागिएको र सीके राउतको इमाडोलको घर बनाउन पनि मधेश लोट चले भन्ने नारासहित भ्रष्टाचार गरिएको आरोप विज्ञप्तिमा छ ।

सबै आर्थिक अनियमिततामा अध्यक्ष सीके राउतको संलग्नता रहेको भन्दै योजनाबद्ध षडयन्त्रको हिस्साअनुरूप सुरेन्द्र यादवलाई आर्थिक लेनदेनमा पक्राउ गरेर राउतको भ्रष्टाचार लुकाउन खोजिएको उनले बताएका छन् ।