सुमोको टायरभित्र लागू औषध लुकाएर काठमाडौं लैजादै गरेका पर्साका एक जना पक्राउ

समाचार

गृहपृष्ठ
समाचार
सुमोको टायरभित्र लागू औषध लुकाएर काठमाडौं लैजादै गरेका पर्साका एक जना पक्राउ

सुमोको टायरभित्र लागू औषध लुकाएर काठमाडौं लैजादै गरेका पर्साका एक जना पक्राउ

मंगलबार, वैशाख ९, २०८२ ज्योति दैनिक

वीरगन्ज । वीरगन्ज–काठमाडौं रुटमा टाटा सुमो चलाउँदै आएका पर्साका एक युवक ठूलो परिमाणमा लागू औषधसहित हेटौडामा पक्राउ परेका छन् । पक्राउ पर्नेमा पर्साको बहुदरमाई नगरपालिका वडा नम्बर ९ का २४ वर्षीय मुमताज मियाँ रहेका छन् ।

मंगलबार वीरगन्जबाट काठमाडौं जाँदै गरेको मधेस प्रदेश ०३–००१ ज ४५१ नम्बरको टाटा सुमोलाई हेटौडा–१५ रातोमाटेमा प्रहरीले रोकेर चेकजाँच गरेको थियो । त्यसक्रममा उक्त टाटो सुमोको हुडमा राखिएको स्पेर टायरभित्र प्वाल पारेर लुकाई छिपाई गरी राखिएको अवस्थामा लागूऔषध अनरेक्स १०० एमएलको २२५ बोतल बरामद भएको हो ।

बरामद लागू औषधसहित उक्त टाटा सुमोका चालक मियाँलाई नियन्त्रणमा लिएर मकवानपुर जिल्ला अदालतबाट लागू औषध ओसार पसार कसूर मुद्धामा ५ दिनको म्याद अनुमती लिई थप अनुसन्धान भईरहेको जिल्ला प्रहरी कार्यालय मकवानपुरले जनाएको छ।

प्रकाशित मिति: मंगलबार, वैशाख ९, २०८२ १८:४४