बंगलादेशसँग ५० हजार मेट्रिक टन मल किन्ने सरकारको निर्णय

अर्थ - बाणिज्य

गृहपृष्ठ
अर्थ - बाणिज्य
बंगलादेशसँग ५० हजार मेट्रिक टन मल किन्ने सरकारको निर्णय

बंगलादेशसँग ५० हजार मेट्रिक टन मल किन्ने सरकारको निर्णय

मंगलबार, कात्तिक २५, २०७७ ज्योति दैनिक

वीरगन्ज २५ कार्तिक : बंगलादेशले मल पैँचो नदिने भएपछि सरकारले मल खरिद नै गर्ने भएको छ । हिजोको मन्त्रिपरिषद् बैठकले बंगलादेश सँग ५० हजार मेट्रिक टन मल खरिद गरेर ल्याउने निर्णय गरेको हो । यसअघि सरकारले बंगलादेशबाट पैँचोमा मल ल्याउने तयारी गरेको थियो । तर, बंगलादेशले पैँचोमा मल दिन आनाकानी गरेपछि खरिद गर्न निर्णय भएको हो । सरकारले अब बंगलादेशसँग जीटुजी मोडलमा मल खरिद गरेर ल्याउन तयारी गरेको कृषि मन्त्रालयले जनाएको छ । मन्त्रिपरिषद्ले निर्णय गरेपछि कृषि सामग्री कम्पनी लिमिटेडले बंगलादेशसँग मूल्यका विषयमा छलफल गरी आयातको सम्झौता गर्ने छ । सकेसम्म सस्तोमा मल खरिद गर्ने नेपालको तयारी छ । ठेकेदारको लापरबाहीका कारण नेपालमा हरेक वर्ष रसायनिक मल अभाव हुने गरेको छ । यसैबीच, सोमबारको मन्त्रिपरिषद्ले नेपालमै मल कारखाना खोल्ने प्रक्रिया अगाडि बढाउने निर्णय पनि गरेको छ ।

प्रकाशित मिति: मंगलबार, कात्तिक २५, २०७७ ०९:५५