प्रधानमन्त्री ओलीको समर्थनमा धोती, कुर्था, गम्छा लगाएर आज काठमाडौंमा प्रदर्शन गर्दै

शिक्षा

गृहपृष्ठ
शिक्षा
प्रधानमन्त्री ओलीको समर्थनमा धोती, कुर्था, गम्छा लगाएर आज काठमाडौंमा प्रदर्शन गर्दै

प्रधानमन्त्री ओलीको समर्थनमा धोती, कुर्था, गम्छा लगाएर आज काठमाडौंमा प्रदर्शन गर्दै

शनिबार, पुस २५, २०७७ ज्योति दैनिक

वीरगन्ज २५ पुष : आज शनिबार काठमाडौंको माइतीघर मण्डलाबाट भब्य धोती जुलस निकालिने भएको छ । नेकपाको भ्रातृ संगठन युवा संघ प्रदेश २ ले सो जुलुस निकाल्न लागेको हो । युवा संघका नेता सञ्जिव झाको अनुसार संस्थापन नेकपा र यसका अध्यक्ष केपी शर्मा ओलीको समर्थन गर्दै जुलुस प्रदर्शन गर्न लागिएको हो ।

युवा संघका नेता सञ्जिवका अनुसार जुलुसको मूल नारा निम्नानुसार छन् ः–

धोती कुर्था गम्छा मधेशी के शान बा !

केपी ओली हमनी सबके जान बा !!

जुलुस तथा सभाका सहभागीहरुले तराईको पहिचानका रुपमा रहेको धोती, गम्छा र कुर्था लगाएका हुनेछन् । सञ्जिवका अनुसार ‘काठमाडौंमा रहनुभएका दुई नम्बर प्रदेशका सयौंजनाले जुलुसमा सहभागिता जनाउने छन् ।

माइतघर मण्डलामा हुने धोती सभामा नेकपाका स्थायी समिति सदस्य योगनारायण यादव, नेता महेश बस्नेत लगायतले सम्बोधन गर्नुहुने छ । सो सभाबाट जुलुस प्रज्ञा भवन पुग्ने बताइएको छ । प्रज्ञा भवनमा सयौंले नेकपा मूलधारमा प्रवेश गर्ने कार्यक्रम राखिएको युवा संघका पर्सा जिल्ला संयोजक महमद निजामले जानकारी दिनुभयो ।

प्रकाशित मिति: शनिबार, पुस २५, २०७७ ०७:३०