नेता गुप्तालाई जिताउन युवाको टोली सक्रिय ।

राजनीति

गृहपृष्ठ
राजनीति
नेता गुप्तालाई जिताउन युवाको टोली सक्रिय ।

नेता गुप्तालाई जिताउन युवाको टोली सक्रिय ।

शनिबार, कात्तिक २६, २०७९ कृष्णा कुशवाहा

वीरगन्ज । आउँदो मंसिर ४ गते हुने निर्वाचनका लागि पर्साको निर्वाचन क्षेत्र नं ३ मा नेकपा एमालेका केन्द्रिय सदस्य एवम् प्रतिनिधि सभा सदस्य उम्मेदवार राजकुमार गुप्तालाई जिताउन राष्ट्रिय युवा संघ नेपाल पर्साको टोली सक्रिय भएको छ ।

राष्ट्रिय युवा संघ नेपाल पर्सा पोखरीया युवा टोली नेता गुप्तालाई जिताउन पोखरीया नगरपालिकाको वडा नं ४ मा ब्यालेट पेपरसहित घरदैलो कार्यक्रम सम्पन्न गरेको छ ।

वडा नं ४ को गाउँ गाउँमा गई सबै मतदाताहरुसंग भेटघाट गरी सूर्यमा मतदान गर्न आग्रह गरेका छन् । देशको मुहार फेर्ने नेकपा एमाले भएको भन्दै आम मतदाताहरुलाई युवाको टोलीले ब्यालेट पेपर हेराइ सूर्य अंकित चिह्नमा मतदान गर्न भनेका छन् । आम मतदाताहरुले पनि सूर्यमा आफ्नो अमूल्य मत दिने प्रतिबद्धता समेत गरेको युवाहरुले बताएका छन ।

राष्ट्रिय युवा संघ नेपाल पर्सा पोखरीया नगरपालिकाको चुनाव प्रचार प्रसार कमिटी अध्यक्ष अमरदेव चौहान , प्रभु चौहान , श्रीकान्त चौहान , विनोद ठाकुर , राजेश राम , धर्मेन्द्र पासवान, शत्रुधन चौहान लगायतको उपस्थिति रहेको थियो भने युवा नेता कौशल साहको सक्रियतामा कार्यक्रम सम्पन्न भएको थियो।

प्रकाशित मिति: शनिबार, कात्तिक २६, २०७९ ०८:५१