अन्तर्घातीलाई एमाले पर्साले गर्‍यो कारबाही ।

धर्म , संस्कृति

गृहपृष्ठ
धर्म , संस्कृति
अन्तर्घातीलाई एमाले पर्साले गर्‍यो कारबाही ।

अन्तर्घातीलाई एमाले पर्साले गर्‍यो कारबाही ।

शनिबार, मंसिर १७, २०७९ कृष्णा कुशवाहा

वीरगन्ज । मंसिर ४ गते सम्पन्न भएको प्रतिनिधि सभा सदस्य एवम् प्रदेश सभा सदस्य निर्वाचनको क्रमममा अन्तर्घात गर्ने, पार्टीले उठाएको उम्मेदवारका विरुद्ध बागी उठ्ने नेता तथा कार्यकर्तालाई एमाले पर्सा कमिटीले कारबाही गरेको छ । निर्वाचन समीक्षा गर्न बसेको एमाले सचिवालय कमिटी बैठकले अन्तर्घात र बागी उठ्नेहरुलाई साधारण सदस्य नरहने गरी पार्टीबाट निष्कासन गरी कारबाही गरेको जिल्ला कमिटी अध्यक्ष जयप्रकाश थारूले बताए ।

अधिकांश क्षेत्रहरूमा अन्तर्घात भएको कारण पार्टीले हार व्यहोर्नुपरेको ठहर गर्दै केन्द्रीय पार्टीको निर्देशनमा अनुशासन विपरित गतिविधि गर्नेलाई कारबाही गरेको हो । कारबाही पर्नेहरुमा संगठित सदस्य , प्रदेश कमिटी सदस्यदेखि केन्द्रिय सदस्य समेत रहेको छन् । जिल्ला कमिटी अध्यक्ष थारुको अध्यक्षता एवं केन्द्रिय सदस्य तथा पर्सा जिल्ला इन्चार्ज प्रभु हजारको प्रमुख आतिथ्यमा बसेको सचिवालय कमिटीको बैठकले व्यापक छलफल गरी अनुसन्धन समेत गरी कारबाही गरेको छ ।

प्रतिनिधि सभा सदस्य एवं प्रदेश सभा सदस्य निर्वाचनमा अन्तर्घात गर्ने केन्द्रिय सदस्य एवं पर्सा जिल्ला इन्चार्ज प्रभु हजरा र प्रदेश कमिटी सदस्य बश्रुदिन अन्सारीलाई साधारण सदस्य समेत नरहने गरी कारबाहीका लागि केन्द्रिय र प्रदेश कमिटीमा उक्त सचिवालयको बैठकले सिफारिश गरेको छ ।

हजरा र अंसारी पार्टीका उम्मेदवारहरुलाई हराउन गतिविधि गरेको भन्ने कार्यकर्ताबाट व्यापक गुनासो आएपछि सचिवालय कमिटीले कारवाहीको माग गर्दै हजारलाई कारवाहीको लागि केन्द्रिय कमिटी र अंसारीलाई प्रदेश कमिटीमा सिफारिश गरेको छ । जिल्ला कमिटीले छानविन समितिले दिएको प्रतिवेदनको आधारमा कारबाहीको लागि केन्द्रिय र प्रदेश कमिटीमा पठाएको जनाएको छ ।

सचिवालय कमिटीको बैठकले पार्टीको साधारण सदस्य समेत नरहने गरी कार्वाही गरेको नमलवाली यसप्रकार छन् :-

१. जिल्ला कमिटी सचिव एवं छिपहरमाई गाउँपालिका अध्यक्ष मनोज गुप्ता

२. जिल्ला सचिवालय सदस्य एवं सखुवा प्रसौनी गाउँपालिका अध्यक्ष यसवन्त यादव

३. सखुवा प्रसौनी गाउँपालिका कमिटी अध्यक्ष एवं वडा अध्यक्ष वासुदेव महत्तो थारु

४. ताजदिन अंसारी - जिल्ला कमिटी सदस्य

५. इमरान हुसेन - जिल्ला सचिवालय सदस्य

६. मंजूर आलम - जिल्ला कमिटी सदस्य

७. पवन तिवारी - जिल्ला कमिटी सदस्य

८. सुबास साह कानु - जिल्ला कमिटी सदस्य

९. वीरेन्द्र साह कानु - जिल्ला सचिवालय सदस्य

१०. छिपहरमाई गाउँपालिका वडा नं ५ का वडा अध्यक्ष मौजीलाल साह कानु - जिल्ला कमिटी सदस्य

११. मुस्तकीम अंसारी - पूर्व जिल्ला कमिटी सदस्य

१२. रामप्रित महतो थारु - जिल्ला कमिटी सदस्य

१३. अमानत अंसारी - सचिवालय सदस्य

१४. नबिजान मियाँ सहितलाई आज देखि पार्टीको साधारण सदस्य समेत नरहने गरी कार्वाही गरिएको जिल्ला कमिटी अध्यक्ष थारुले बताए । यस भन्दा अगाडि बसेको बैठकले स्पष्टीकरण मांग गरेको थियो । तर स्पष्टीकरणको जवाब नदिएको हकमा ई १४ जनालाई पार्टीबाट निष्कासन गरिएको अध्यक्ष थारुले बताए।

यस्तै उक्त सचिवालय कमिटीको बैठक पार्टीको निर्देशनमा अनुशासन विपरित गतिविधि गर्ने २६ लाई स्पष्टीकरण सोधेको छ ।

१. रियाजुल मियाँ

२. नरेश टीबडेवाल- पूर्व जिल्ला कमिटी सदस्य

३. अमोद यादव

४. संजिव बहादुर छत्कुली - निर्वाचित वडा अध्यक्ष

५. विश्वराज कुर्मी

६. जितेन्द्र पटेल

७. सम्सुदिन अंसारी

८. सुनिल कुशवाहा

९. रामबाबु साह

१०. प्रमोद यादव

११. महादेव साह कलवार