स्कर्पियो ठक्करबाट ठोरी सडकखण्डमा एक बालकको मृत्यु, चालक प्रहरीको नियन्त्रणमा

समाचार

गृहपृष्ठ
समाचार
स्कर्पियो ठक्करबाट ठोरी सडकखण्डमा एक बालकको मृत्यु, चालक प्रहरीको नियन्त्रणमा

स्कर्पियो ठक्करबाट ठोरी सडकखण्डमा एक बालकको मृत्यु, चालक प्रहरीको नियन्त्रणमा

मंगलबार, फागुन ९, २०७९ ज्योति दैनिक

वीरगञ्ज । हुलाकी राजमार्ग अन्र्तगत वीरगञ्ज–ठोरी सडकखण्डमा गाडीको ठक्करबाट १ बालकको ज्यान गएको छ । पर्साको ठोरी गाउँपालिका वडा नम्बर ४ बिजयबस्ती निवासी १३ वर्षीय विश्वास श्रेष्ठको ज्यान गएको हो ।

प्रदेश नं १–०२६–०३०३ नम्बरको स्कारपियोले बिहान ८ बजे ठक्कर दिँदा गम्भीर घाइते उनलाई उपचारका लागि वीरगञ्जस्थित तराई हस्पिटल एण्ड रिसर्च सेन्टरमा ल्याइएको थियो । उपचारको क्रममा बिहान सवा १० बजे उनलाई अस्पतालले मृत घोषणा गरेको जिल्ला प्रहरी कार्यालय पर्साका प्रवक्ता प्रहरी नायब उपरीक्षक दीपक गिरीले जानकारी दिए ।

स्कारपियोसहित चितवनको माडी नगरपालिका वडा नम्बर ३ निवासी चालक पदम बिलास पन्तलाई प्रहरीले नियन्त्रणमा लिएको छ ।

घटनास्थल जाँच मुचुल्कालगायतका अनुसन्धानसँगै शव पोष्टमार्टमका लागि नारायणी अस्पतालमा पठाइएको जिल्ला प्रहरी कार्यालय पर्साले जनाएको छ ।

प्रकाशित मिति: मंगलबार, फागुन ९, २०७९ १२:३४