वीरगन्ज । भोट फोर चेन्ज इन्डपेन्डेन्ट स्टुडेन्ट युनियन (VCISU) ले चैत ५ गते हुने स्वतन्त्र विधार्थी युनियनको चुनावको लागि उमेदवार छनौट गर्ने भएको छ ।
भोट फोर चेन्ज इन्डपेन्डेन्ट स्टुडेन्ट युनियनका अध्यक्ष अनिश पटेलको अध्यक्षतामा भएको कार्यक्रममा प्रमुख अतिथि जितेन्द्र मिश्र विशिष्ट अतिथि अफरोज अंसारी , सुदिप प्रजापती लगायतको बसेको बैठकले अध्यक्ष र सचिवको उम्मेदवारको नामावली टुङ्गो लगाएको छ ।
बैठकले भोट फोर चेन्ज इन्डपेन्डेन्ट स्टुडेन्ट युनियनका अध्यक्ष अनिश पटेललाई चैत ५ गते हुने स्वतन्त्र विधार्थी युनियनको चुनावमा अध्यक्षमा र किरण यादवलाई सचिवको उम्मेदवार बनाउने निर्णय गरेको छ । साथै बाँकी रहेको पदका लागि फेरि अर्को आन्तरिक बैठक राखी बिहीबारसम्म टुङ्गो लगाउने अध्यक्ष पटेलले बताए ।
कार्यक्रममा बोल्दै प्रमुख अतिथि मिश्रले आउँदो ५ गते हुने स्वतन्त्र विधार्थी युनियनको निर्वाचनमा कुनै पनि लोभ , लालच तथा डर त्रासमा नलाग्न विद्यार्थीहरुलाई आग्रह गरे । क्याम्पसमा भएको विकृति मेटाउन स्वतन्त्रलाई नै निर्वाचित गराउन हामीले एक जुट भई लाग्नु पर्ने बताए ।
कार्यक्रममा सन्तोष साह , गौतम यादव , लीला चौधरी , भागरति पासवान , गोपाल पासवान , मूराज आलम लगायतले मन्तव्य राखेका थिए भने विधार्थी नेता सुमन साह , कुन्दन यादव , कृतिका यादव , सन्तोष केशरी लगायतको उपस्थिती रहेको थियो ।
-1731904554.jpg)
