एमाले मधेश प्रदेशबाट आउट, कांग्रेस, लोसपा र एस ईन हुने तयारीमा

राजनीति

गृहपृष्ठ
राजनीति
एमाले मधेश प्रदेशबाट आउट, कांग्रेस, लोसपा र एस ईन हुने तयारीमा

एमाले मधेश प्रदेशबाट आउट, कांग्रेस, लोसपा र एस ईन हुने तयारीमा

मंगलबार, चैत २१, २०७९ ज्योति दैनिक

वीरगञ्ज । मधेश प्रदेशबाट नेकपा एमाले बाहिरिएसँगै नेपाली कांग्रेस, लोकतान्त्रिक समाजवादी पार्टी र एकीकृत समाजवादी सरकारमा सहभागी हुने तयारीमा छन् ।

मुख्यमन्त्रीको निर्णय र आफ्नो दलको केन्द्रीय नेताको निर्देशनका आधारमा मधेश प्रदेशमा सहभागी हुने यी दलको तयारी छ ।

मधेश प्रदेशसभामा २२ सांसदसहित दास्रो ठूलो दल रहेको कांग्रेस संसदीय दलका नेता कृष्ण प्रसाद यादवले केन्द्रबाट संकेत पाउने बित्तिकै मधेश सरकारमा सहभागी हुने बताए । ‘मधेशमा पनि गठबन्धन सरकार छ । गठबन्धनको निर्णय के हुन्छ केन्द्रमा, केन्द्रबाट म्याण्डेट मिलेपछि हामी छलफल गरेर कहाँ के कसरी एडजस्टमेन्ट गर्न सकिन्छ भनेर निर्णय गर्छौ । सरकारमा सहभागी हुन्छौं’, उनले भने ।

त्यस्तै ९ सांसदसहित चौथो दलको हैसियतमा रहेको लोसपा पनि सरकारमा जान तत्पर छ । लोसपा सांसद उपेन्द्र महतो एमालेको बहिर्गमन भएपछि सरकारमा लोसपासहित तीन दल सहभागी हुने बताए । ७ सांसदसहित पाँचौ दलको हैसियतमा रहेको एकीकृत समाजवादी पनि सरकारमा जान तयार रहेको उसका सांसद रत्नेश्वर गोइतले बताए ।

यी सबै दलले मुख्यमन्त्री यादवलाई विश्वासको मत दिएका छन् । एमालेका मन्त्रीहरुले मंगलबार सरकार छाडेपनि सरकारलाई दिएको समर्थन फिर्ता लिइसकेका छैनन् ।

प्रकाशित मिति: मंगलबार, चैत २१, २०७९ २०:५९