वीरगञ्ज । भगवान नृसिंहको जन्मोत्सवमा बिहीबार वीरगञ्जमा भव्य शोभायात्रा निकालिएको छ ।
नृसिंह जयन्तिका दिन वीरगञ्ज महानगरपालि–१५ पिपरा स्थित पिपरामठमा रहेको नृसिंह भगवान मन्दिर पिपरामठ संरक्षण समितिको अगुवाइमा शोभायात्रा निकालिएको हो ।
पिपरामठ परिसरबाट निस्किएको शोभा यात्रा बाइपास सडकबाट पावरहाउस चोक, मुर्ली, घण्टाघर, माईस्थान, आदर्शनगर, घडीअर्वा, घण्टाघर, लिंकरोड, बसपार्क हुँदै पुन: पिपरामठमै पुगेर समापन भएको पिपरामठ संरक्षण समितिका अध्यक्ष रामप्रवेश कुर्मीले जानकारी दिए ।
शोभायात्रामा महिला, युवती, किशोरी, युवा, बृद्धबद्धा गरि हजारौँको सहभागिता थियो । भगवा पोशाकमा शोभायात्रामा सहभागीहरुले जय श्रीराम लेखिएका झण्डाहरु बोकेका थिए ।
नृसिंह जयन्तिकै अवसरमा बिहीबारनै साँझ साढे ६ बजे पिपरामठठ परिसरमा महाआरती पनि गर्ने कार्यक्रम रहेको अध्यक्ष कुर्मीले जानकारी दिए ।
