वीरगंज । पर्सा जिल्लाको पकाहाँमैनपुर गाउँपालिकाका अध्यक्ष सुरेश मेहता र प्रमुख प्रशासकीय अधिकृत राज कुशवाहाको कमिशनखोरीका कारण महिनौ देखि पालिकाको सिसिटिभी क्यामरा बिग्रेको अवस्थामा रहेको छ ।
रोचक कुरो के छ भने सिसिटिभी क्यामरा बन्द रहेको कुरा पालिकाका अधिकांश जनप्रतिनिधि र कर्मचारीहरुलाई जानकारी नै नरहेको बताईएको छ । घटना बिहीबार पकाहाँमैनपुर गाउँपालिकाको कार्यालयमा काम विशेषले गएका वडा नं १ का वडा अध्यक्ष विनोद मेहताको ना ६० प १८५८ नम्बरको सुपर स्प्लेन्डर मोटरसाइकल चोरी भए पश्चात मोटरसाईकल चोरको खोजी गर्ने क्रममा सिसिटिभी क्यामराको फुटेज हेर्न भनिए पछि सिसिटिभी क्यामरा खराब रहेको सबैलाई जानकारी भयो ।
पाठकवृन्द, पालिकाको कम्पाउन्ड भित्र रहेको मोटरसाईकल चोरी भयो, अब भन्नुस गाउँपालिकाको कार्यालय कति सुरक्षित छ ? पालिकामा करोडौं करोडको सामग्री र कागजातहरु छ त्यो सामग्री चोरी भयो भने त्यसको जिम्मेवार को ? पालिका स्रोतका अनुसार सिसिटिभी क्यामरा नबनाउन खोखिएको हैन, तर पालिकाका प्रशासकीय अधिकृत कुशवाहा सँग कमिशनको सेटिङ्ग नमिलेकै कारण क्यामरा जडान हुन नसकेको बताईएको छ ।
सिसिटिभी क्यामरा बनाउनका लागि÷खरिद गर्न बारम्बार आन्तरिक रुपमा तयारी गरिए पनि ३० प्रतिशत कमिशन मागिएकोमा सप्लार्यसले त्यति दिन नमिल्ने बताए पछि कार्य अधुरै छोडिएको स्रोतको कथन रहेको छ । भ्रष्ट अधिकृत कुशवाहाले यस भन्दा पहिला पनि विन्दवासिनी , जगरनाथपुर लगायत बाराको विभिन्न पालिकामा करोडौं करोड भ्रष्टाचार गरेको थाहा पाएपछि पकहाँ मैनपुरका केही जनप्रतिनिधिहरु हाजिर गर्न दिएका थिएनन्, तर पछि भ्रष्टाचार नगर्ने, पालिकाको हितमा काम गर्ने प्रतिबद्धता जनाए पछि हाजिर गराईएको एक वडाध्यक्षले बताए ।
पालिकाको कार्यालय अगाडिबाट मोटरसाइकल चोरी हुनु भनेको कुनै सामान्य कुरा होइन ? यस्तो पालिकाको जनप्रतिनिधि नै सुरक्षित छैन भन्ने पालिका बसीहरुलाई के सुरक्षा दिन सकिएला भन्ने पिडित वडाध्यक्ष विनोद मेहताले बताए ।
पालिकामा सिसिटिभी नहुनु भनेको पालिकाको दुर्भाग्य हो । जहाँ करोडौं करोडौंको कारोबार, कागजात लगायत कैयौ ठूला ठूला सरसामान, गाडिहरु लगायत रहेको कार्यालयमा सिसिटिभी जडान नहुनुको मतलब यहाँ जे पनि हुन सक्ने सम्भावना रहेको उनको भनाई छ । भोलिको दिनमा यसै कार्यालयका कर्मचारी तथा अन्य व्यक्तिहरू मिलेर जे पनि गर्न सक्ने सम्भावना बलियो रहेको भन्दै तत्काल सिसिटिभी जडान हुनु पर्ने उनले बताए ।
यस सन्दर्भमा पालिका अध्यक्ष सुरेश मेहता सँग बुझ्दा निवर्तमान अध्यक्ष बिजय चौरसियाकै पालादेखि सिसिटिभी क्यामरा खराब रहेको छ । त्यसमा हामीले ध्यान नदिएको भनि गैरजिम्मेवारीपूर्ण जवाफ दिए । तर निवर्तमान अध्यक्ष चौरसिया सँग बुझ्दा आफ्नो पालामा सबै सिसिटिभी क्यामरा चालु अवस्थामा रहेको बताए । यस सन्दर्भमा प्रमुख प्रशासकीय अधिकृत राज कुशवाहालाई मोबाईलमा बारम्बार फोन सम्पर्क गर्दा सम्पर्क हुन सकेन ।
-1735286782.gif)
-1735286608.jpg)
