बारामा एक बोर्डिङ स्कुलका प्रधानाध्यापकमाथि गोली प्रहार गरी हत्या ।

समाचार

गृहपृष्ठ
समाचार
बारामा एक बोर्डिङ स्कुलका प्रधानाध्यापकमाथि गोली प्रहार गरी हत्या ।

बारामा एक बोर्डिङ स्कुलका प्रधानाध्यापकमाथि गोली प्रहार गरी हत्या ।

सोमबार, कात्तिक १३, २०८० राजकुमारी गुप्ता

वीरगन्ज । बाराको कलैयामा एक प्रधानाध्यापकमाथि गोली प्रहार भएको छ । बारा प्रहरीका अनुसार अज्ञात समूहद्वारा कलैया निवासी रुपेश स्वर्णकारमाथि बोर्डिङ नजिकै मदर्सा टोलमा २ राउण्ड गोली प्रहार भएको हो ।

स्वर्णकारको टाउको र छातीमा गोली प्रहार गरिएको प्रहरीले जनाएको छ । गोली लागेका उनलाई उपचारका लागि एलएस न्यूरो अस्पताल लगिएको प्रहरीले जनाएको छ । अस्पताल स्रोतका अनुसार स्वर्णकारको अवस्था चिन्ताजनक रहेको अवस्थामा थप उपचारको लागि मेडीसिटी अस्पताल लगिएको थियो । उक्त अस्पतालले स्वर्णकारको मृत्यु भइसकेको पुष्टि गरेको छ ।

अन्दाजी ३५ वर्षीय स्वर्णकार कलैया ६ का बासिन्दा हुन् । स्वर्णकारले कलैयामा बाल एकता बोर्डिङ सञ्चालन गरेका छन् । घटनास्थलमा प्रहरी पुगेको र गोली प्रहार गर्ने अज्ञात समूहको खोजी भइरहेको बारा प्रहरी प्रमुख सुरेश काफ्लेले जनाए ।

प्रकाशित मिति: सोमबार, कात्तिक १३, २०८० १४:३३