प्रतिबन्धित लागुऔषध सहित पर्साबाट तीनजना पक्राउ

समाचार

गृहपृष्ठ
समाचार
प्रतिबन्धित लागुऔषध सहित पर्साबाट तीनजना पक्राउ

प्रतिबन्धित लागुऔषध सहित पर्साबाट तीनजना पक्राउ

सोमबार, मंसिर १८, २०८० ज्योति दैनिक

वीरगन्ज । जिल्ला प्रहरी कार्यालय पर्साको मातहतमा रहेको प्रहरी चौकी ईनार्वाका बरिष्ठ प्रहरी नायब निरीक्षक सन्तोष केसीको कमाण्डमा रजतजयन्ती चोकमा खटिएको टोलीले भारतबाट नेपाल तर्फ आउदै गरेको ना.३० प ७७४६ नम्बरको स्कुटीलाई रोकी खानतलासी गर्दा हुडी भित्र लुकाई ल्याएको लागु औषध खैरो हिरोइन ०.६२० मिलीग्राम बरामद गरेको पर्सा प्रहरी प्रबक्ता एवम प्रहरी नायब उपरीक्षक कुमार बिक्रम थापाले बताए।

त्यसैगरि प्रहरी चौकी ईनार्वाले रजतजयन्ती चोकबाट भारतबाट नेपाल तर्फ आउदै गरेको पैदल यात्रीलाई चेकजाँच गर्दा प्लास्टिकको झोला भित्र प्रतिबन्धित लागु औषध नाईट्राजेपाम नाइजा एक्यान प्रति पत्तामा १० ट्याब्लेटका दरले ७ पत्तामा ७० ट्याब्लेट सहित पक्राउ गरेको प्रहरी नायब उपरीक्षक थापाले बताए।

प्रतिबन्धित लागूऔषध खैरो हिरोईन सहित हटौडा वडा१ का सुवास पौडेल, समीप श्रेष्ठ र हटौडा १४ का साजन पौडेललाई नाईट्राजेपाम सहित नियन्त्रणमा लिई लागूऔषध कसूरमा मुद्दा चलाएको प्रहरी नायब उपरीक्षक थापाले जानकारी दिएका छन्।

प्रकाशित मिति: सोमबार, मंसिर १८, २०८० २०:३०