वीरगन्ज । पर्सा जिल्लामा भारतीय नागरिकहरूले पैसाको बलमा धमाधम नेपाली नागरिकता लिन सफल भइरहेका छन् भने कतिपयले नागरिकता लिई सकेका छन् । विगतमा पनि भारतीय नागरिकहरूले पैसाको बलमा नेपाली नागरिकता लिन सफल हुँदै आएका विवादित जिल्लाको रूपमा परिचित पर्सा जिल्ला बेला बेलामा चर्चामा आउने गरेको विषय कसै संग छुपेको होइनन् ।
यसै क्रममा पर्सा जिल्लाबाट पैसाको बलमा नेपाली नागरिकता हात पार्न केही भारतीयहरू सफल भई अवैध कारोबारमा संग्लन भएको पनि पाइएको छ । पर्साबाट नेपाली नागरिकता लिएका रामनाथ साह सोनार सहितका परिवारहरूले पटक पटक नेपाल सरकारको नियम विपरीत कार्यहरूमा प्रत्यक्ष रूपमा संलग्न हुँदै आएपनि हालसम्म उनीहरू माथि कारवाहीको प्रक्रिया अगाडि बढाइएको छैन ।
२०७८ साल कार्तिक १ गते छिमेकी मुलुक भारत बिहार राज्यको ग्राम इनर्वा हरपुर थाना अदापुर ग्राम पंचायत रक्सौल जिल्ला पूर्वी चम्पारणका बासिन्दा रामनाथ साह सोनार र नीजकी श्रीमती कान्ति देवी, शम्भु साह सोनार र नीजकी श्रीमती पार्वती देवी र शम्भु र पार्वतीका छोरा गोपालप्रसाद सोनार तथा भारतमा बच्चा साह नामले चिनिने रामनरेश साह सोनार र निजकी श्रीमती मञ्जुदेवीले पैसाको बलमा नेपाली नागरिकता हात पार्न सफल भएका हुँदा सो छानबिन गरी यिनीहरूको सम्पति समेत जफत गरी देशभक्त नेपालीको नामबाट जिल्ला प्रसाशन कार्यालय पर्सामा सप्रमाण उजुरी परेपछि यो रहस्य बाहिर आएको हो ।
पैसाको बलमा यी भारतीय नागरिकहरूले पर्सा जिल्लाको साविक बगही गाउँ विकास समिति वडा नं ३ हाल वीरगन्ज महानगरपालिका वडा नं २८ बाट नेपाली नागरिकता हात पार्न सफल भएका हुन् । यी दोहोरो नागरिकता लिएका भारतीयहरूको भारतको बिहारबाट जारी पंचायत ग्राम निर्वाचनको नामावली समेत ज्योती दैनिकलाई प्राप्त हुन आएको छ ।
रामनाथ साह सोनार नेपालमा कुख्यात सुन तस्करको नामले प्ररिचित छन् । उनका माईला छोरा सन्दीप सरार्फलेसमेत आफ्नो बुवाले सञ्चालन गरेको सुनतस्करी र हुण्डीको कारोबार सघाउँदै आएका छन् । उनीहरुको वीरगञ्ज माईस्थान ३ नम्बर रोडमा आर.के.एण्ड सन्स नामक सुनचाँदस् कारोबार गर्ने पसलको आडमा अवैध धन्दा चलाउँदै आएका छन् । जुन पसलहरुमा अवैध कारोबारहरु भइरहेको सूचना पाई ३ दिन आगाडि प्रहरीले छापमारी गरेको थियो । भने केही दिन अगाडि उनका छोरा पनि लागुऔषधसहित पक्राउ परेका थिए ।
नेपाल छिरेपछि यिनीहरूले अवैध कारोबारमा संलग्न रही अकुल सम्पति कमाएका छन् । यिनीहरूको अवैध धन्दामा बारे विभिन्न सामाजिक सञ्जाल तथा रिपोर्ट्स क्लबहरुबाट समाचारहरु सार्वजनिक हुँदा पनि यिनीहरू माथि कुनै कारवाही नहुनु नै रहस्यको विषय भएको छ ।
यिनीहरूले बिरगंजमा जय माँ दुर्गे ज्वेलर्स , आर .के. एंड संस , माँ दुर्गे मनी चेन्जरको नामले नेपाल भरी पैसा पठाउन र पाउन सक्ने गरी सिटी एक्सप्रेस मनी ट्रान्सफर लगायत नुन देखि सुन सम्मको अवैध कारोबार गर्दै आएका छन् ।
२०७९ माघ २९ गते दोहोरो नागरिक बच्चा सोनारका छोरा रामनरेश साह भन्ने सुनिल कुमार लागू औषधसहित पक्राउ परेका समाचार समेत सार्वजनिक भएको थियो । जसमा पर्सा प्रहरीले ठूलो रकम कुम्ल्याएर निजलाई संरक्षण दिन खोजेपछि पर्सा प्रहरी समेत विवादमा आएको थियो । हालै केही दिन पहिले ६१ किलो सुन प्रकरणमा समेत यिनीहरू प्रहरीको फरार सूचीमा थिए ।
रामनाथ साह सोनारको नेपाली नागरिकतामा स्थायी ठेगाना विरगञ्ज नगरपालिका वडा नम्बर–९ उल्लेख छ । उनको जन्म मिति २०२२ फागुन ५ गते उल्लेख छ । उनको बाबुआमाको नाम महादेव साह सोनार र वास्मती देवी सोनारिन उल्लेख गरिएको छ । रामनाथको नागरिकता नम्बर ०४४६२०२५ रहेको छ ।
त्यसैगरी, रामनाथका भतिजा गोपालप्रसाद सोनारको नागरिकतामा जन्म मिति २०३३ चैत्र ७ गते रहेको छ । भने उनको बाबुको नाम शम्भु साह सोनार उल्लेख छ । उनको नागरिकता नम्बर ०४४६२२१९ रहेको छ । त्यसैगरी, राम नरेश साह सोनारको जन्म मिति २०२५ मंसिर ११ गते रहेको छ । उनको नागरिकता नम्बर ०४४६२१७८ रहेको छ । मञ्जुदेवी सोनारसँग पनि नेपाली र भारतीय दोहोरो नागरिकता रहेको छ । उनको नेपाली नागरिकतामा जन्म मिति २०२७ साल उल्लेख छ । मञ्जुदेवीको नेपाली नागरिकता नम्बर २१५८ हो ।
उनी रामनाथका भतिजा हुन् । नागरिकतामा उनको श्रीमतीको नाम मञ्जु देवी सोनार रहेको छ ।उनीहरुले झुठो विवरण पेश गरी केही कर्मचारीहरुको मिलेमतोमा नेपाली नागरिकता प्राप्त गरेका हुन् ।
एउटै परिवारका एउटा समुहले अवैध नागरिकता लिएर विभिन्न अवैध कारोबारमा संलग्न रही अकुल सम्पति आर्जन गरिरहेका यो एउटा नमुना घटना मात्र हो । यस्ता कैयन भारतीयहरुले आफ्नो स्वार्थ पूरा गर्दै देशलाई चुस्तै आएका छन् ।
यति हुँदा हुँदै पनि यिनीहरू निर्धक साथ घुमिरहेका छन् ।कारवाही भईरहेको बहानामा उल्टै प्रहरी प्रशासनले संरक्षण प्रदान गर्दैछ । आखिर किन त भन्ने प्रश्न गर्दा जिल्ला प्रशासन कार्यालय पर्साका प्रमुख जिल्ला अधिकारी हिरालाल रेग्मी आवश्यक कारवाहीको लागि परराष्ट्र मन्त्रालयमा पत्र पठाइएको बताउँछन् । तर परराष्ट्र मन्त्रालयले कुनै कारवाही गर्दैन । परराष्ट्र मन्त्रालय जति पत्र पठाएपनि त्यहाँ कुनै किसिमको जवाब आएको छैन ।
स्रोतका अनुसार जिल्ला प्रशासन कार्यालय पर्सा प्रमुख फेरिनै बितिकै यी नागरिकता धारीहरुले आर्थिक नजराना बुझाउने गर्दछन् । सो आर्थिक नजराना बुझे बापत जिल्ला प्रशासन कार्यालय पर्साका केही कर्मचारीहरूले संरक्षण गर्दै आएका छन् ।
बीरगञ्जको माइस्थानमा सुन पसल चलाउँदै आएका रामनाथ साह सोनारसहितको भारत विहारको नागरिक भएको ‘डकुमेन्ट’ अस्थिको छापामारीबाट पनि बरामद भएको छ । यति हुँदाहुँदै पनि कारवाही नहुनुले सम्बन्धित निकायमाथि पनि आम जनसमुदायको देख्ने दृष्टि फरक हुँदै गएको छ ।मन्त्रालयसम्म रामनाथ साह सोनारसहितका दाजु भाईविरुद्ध उजुरी पनि परेको छ । झट्ठुा विवरण पेश गरी नेपाली नागरिकता लिएको भन्दै १६ पन्ने उजुरी दिइएको छ । तर अहिलेसम्म सोनार भने कानुनी दायरामा आउन सकेका छैनन्। सुनचाँदी पसलको बारेमा सूचनाहरु आएपछि उनका पसलमा छापामारी
गरिएको राजस्व अनुसन्धान पथलैयाका प्रमुख प्रेम प्रसाद देवकोटा बताउँछन् । राजस्व कार्यालय पथलैयाको टोलीले उनको सुनचाँदी पसलबाट एक बोरा कागजपत्र लिएर गएको बताइएको छ । तर आदापुरका यी साह परिवार भने कानुनलाइ चुनौती दिदै दुबै देशको नागरिक बनेका छन् ।
योगम्भीर विषयको सबतु प्रमाण हुँदाहुँदै पनि प्रशासनिक निकायबाट कारबाही प्रक्रिया नचाल्दा प्रशासनमाथि गम्भीर प्रश्न मात्रै खडा भएको छैन, आर्थिक चलखेलले प्रशासनकै आडले देशमा जेसुकै गर्न पाइन्छ भन्ने म्यासेजदिइरहेको छ ।
पर्साका प्रमुख जिल्ला अधिकारी दिनेश सागर भुसालले रामनाथ साह सोनारको बारेमा आफू जानकार नरहेको प्रतिक्रिया दिएका छन् । उनले भने,‘तर यसको बारेमा सबै छानविन गर्छु, झुठो विवरणको आधारमा नागरिकता दिइएको छ भने त्यसलाई कारबाहीको दायरामा ल्याउछु ।’ कागजीरुपमा कमजोरी पाइएमा कसैलाई नछाडिने प्रमुख भुसालले बनाए ।
