पोखरीयामापनि माछा,मासु र मदिरा निषेध, दिपावली मनाउन आह्वान

समाचार

गृहपृष्ठ
समाचार
पोखरीयामापनि माछा,मासु र मदिरा निषेध, दिपावली मनाउन आह्वान

पोखरीयामापनि माछा,मासु र मदिरा निषेध, दिपावली मनाउन आह्वान

आइतबार, माघ ७, २०८० ज्योति दैनिक

वीरगन्ज । भारतको अयोध्यामा नवनिर्मित राम मन्दिरको उद्घाटनसंगै प्राण प्रतिष्ठाको उत्सव नेपालमापनि मनाइरहदाँ पोखरीया नगरपालिकामापनि सोमबार माछा,मासु र मदिराको बिक्रीवितरणमा रोक लगाइएको छ । पोखरिया नगरपालिकाले एक सूचना जारी गरेर माघ ८ गते सोमबार नगरपालिकाभर माछा,मासु र मदिराको बिक्रिवितरणमा रोक लगाएको हो । साथै सोमबार नगरपालिकाका घरघरमा दीप प्रज्वलित गरी दिपावली मनाउनपनि नगरपालिकाले आग्रह गरेको छ ।

पोखरीया नगरपालिकाका मेयर प्रधुमन चौहानको निर्देशनमा प्रमुख प्रशासकीय अधिकृत अजय कुमार श्रीवास्तवले आइतबार एक सार्वजनिक सूचना जारी गर्दै अयोध्यामा नवनिर्मित राम मन्दिरको उद्घाटन तथा प्राण प्रतिष्ठा हुने भएकाले त्यसैलाई लक्षित गरी माघ ८ गते सोमबार नगरपालिका भित्र कुनै पनि पशु, जीवको बध तथा मदिराको बिक्रिवितरण नगरिदन आग्रह गरेका छन् ।

यसअघि पर्साकै वीरगन्ज महानगरपालिकासंगै बहुदरमाई नगरपालिका , कालीकामाई , धोबीनी , पटेर्वा सुगौली , जगरनाथपुर गाँउपालिका लगायतका पालिकालेपनि सोमबार माछा,मासु र मदिराको बिक्रवितरणमा रोक लगाउने निर्णय गरिसकेका छन् ।

प्रकाशित मिति: आइतबार, माघ ७, २०८० २०:४२