पर्सामा एमाले अध्यक्षका लागि शर्मा, थारु र पटेल आकांक्षी

समाचार

गृहपृष्ठ
समाचार
पर्सामा एमाले अध्यक्षका लागि शर्मा, थारु र पटेल आकांक्षी

पर्सामा एमाले अध्यक्षका लागि शर्मा, थारु र पटेल आकांक्षी

सोमबार, वैशाख १७, २०८१ ज्योति दैनिक

वीरगन्ज । नेकपा एमाले पर्साको नवौं जिल्ला अधिवेशन सोमबार देखि सुरु भएको छ । मंगलबार सम्म चल्ने अधिवेशनको सोमबार नेकपा एमालेका वरिष्ठ उपाध्यक्ष ईश्वर पोखरेलले उद्घाटन गरेका हुन् । अधिवेनशको बन्दसत्र भने मंगलबार बिहान ८ बजेदेखि सुरु हुने भएको छ ।
पदम पार्टी प्यालेसमा बिहान ८ बजेदेखि बन्दसत्र सुरु हुने र बन्दसत्र पछि जिल्लाको नयाँ नेतृत्व चयनका लागि प्रकृया अगाडि बढ्ने जिल्ला सचिव मनोज गुप्ताले जानकारी दिए । बन्दसत्रमा जिल्लाका १४ वटै पालिकाबाट गरी ५ सय ८५ जना प्रतिनिधी सहभागी हुनेछ ।
पर्सामा एमालेको नयाँ नेतृत्वको लागि अहिलेसम्म तीन जना आकांक्षी देखिएका छन् । अध्यक्षमा अहिलेका जिल्ला संयोजक डाक्टर विश्वम्भर शर्मा, संविधानसभा सदस्य जयप्रकाश थारु र पार्टीका मधेस प्रदेश सदस्य शीव पटेल आकांक्षी छन् । उनिहरु मध्ये शर्मालाई केन्द्रिय सदस्यद्वय प्रभू हजरा र निर्मला देवकोटाले साथ दिएका छन् भने थारु र पटेल मध्ये एक जनालाई केन्द्रिय सदस्य राजकुमार गुप्ताले अगाडि सार्ने तयारीमा छन् ।
त्यसतै अहिले जिल्ला उपाध्यक्षमा मनोज गुप्ता , सचिवमा महेश दास , उप सचिवमा गोकुली रेग्मीको नाम चर्चामा रहेको छ ।

प्रकाशित मिति: सोमबार, वैशाख १७, २०८१ २१:०६