वीरगन्ज । वीरगन्ज कपडा बैंकले पर्साको धोबिनी गाउँपालिका–५ धोबिनी जगरनाथपुर गाउको नयकाटोलामा मंगलवार दिनमा भएको आगलागी पिडितहरु लाइ सहयोग उपलब्ध गरेको छ ।
कपडा बैंकका अध्यक्ष लालबाबु सिंह , उपाध्यक्ष प्रकाश थारु , सचिव कन्हैया पटेल र सदस्य अभिलाश गुप्ताको सहभागितामा आगलागी पिडितहरु समसाद देवान, रहमत देवान,अमजद देवान र रजाक देवानको परिवारलाइ ४ बोरा नया पुरानो कपडाहरु ( सर्ट पाइन्ट,जिन्स,साडि लगायत बचाहरुको कपडाहरु, बेडसिटहरु , झुलहरु सहयोग हस्तान्तरण गरिएको हो ।
सो अवसरमा स्थानिय अग्रज ,महिला ,युवाहरुको उपस्थिति रहेको थियो । हीजो दिनमा सर्ट सर्किटले भएको आगलागीमा करीब ६-७ लाख भन्दा बढीको धनमाल जलेर नष्ट भएको पिडितहरुले बताएका छन् ।
आगालागी हुँदा गरगहाना, लत्ताकपडा, फर्निचर, अन्नपात, भाडाकुँडा र नगदसहित जलेर नष्ट भएको र लागेको आगो स्थानीयवासी ,प्रहरी र पोखरियाबाट गएको बारुण यन्त्रको सहयोगमा निभाइएको थियो ।
