माधव, उपेन्द्र र महन्थलाई बुढानीलकण्ठ बोलाए देउवा

राजनीति

गृहपृष्ठ
राजनीति
माधव, उपेन्द्र र महन्थलाई बुढानीलकण्ठ बोलाए देउवा

माधव, उपेन्द्र र महन्थलाई बुढानीलकण्ठ बोलाए देउवा

बुधबार, जेठ १६, २०८१ ज्योति दैनिक

काठमाडौँ । नेपाली कांग्रेसका सभापति शेरबहादुर देउवाले मधेसवादी दललाई छलफलका लागि बोलाएका छन् । मधेस प्रदेश सरकार लगायतका विषयमा छलफल गर्न देउवाले एकीकृत समाजवादी, जसपा नेपाल र लोसपालाई बोलाएका हुन् ।

सभापति देउवाका स्वकीय सचिव भानु देउवाले तीन दलका अध्यक्षलाई छलफलका लागि बोलाएको बताए । उनले भने, ‘आज पाँच बजे माधव नेपाल, उपेन्द्र यादव र महन्थ ठाकुरलाई छलफलका लागि बोलाइएको छ ।’

जनता समाजवादी पार्टीका नेपालका अध्यक्ष उपेन्द्र यादवले पनि पाँच बजे छलफलका लागि देउवा निवास बुढानीलकण्ठ जाने तयारीमा रहेको बताए । मधेस प्रदेशमा एमाले, माओवादी केन्द्रले समर्थन फिर्ता लिएपछि जसपा नेपालका सरोज यादव नेतृत्वको सरकार अल्पमतमा परेको छ ।

कांग्रेस, जसपा नेपाल, एकीकृत समाजवादी, लोसपा एक ठाउँमा आउँदा मधेसमा केन्द्रीय सत्ता गठबन्धन बाहेकको सरकार बन्ने देखिन्छ । मधेसमा कांग्रेसका २२, जसपा नेपालका १९, एकीकृत समाजवादीका ७ र लोसपाका ८ गरी ५६ सांसद छन् । १०७ सदस्यीय मधेस प्रदेशसभामा बहुमतका लागि ५४ सांसद आवश्यक पर्छ ।

प्रकाशित मिति: बुधबार, जेठ १६, २०८१ १६:५४