बुबाको 'हत्या गरेर' फरार भएका छोरा पक्राउ

समाचार

गृहपृष्ठ
समाचार
बुबाको 'हत्या गरेर' फरार भएका छोरा पक्राउ

बुबाको 'हत्या गरेर' फरार भएका छोरा पक्राउ

शनिबार, जेठ १९, २०८१ ज्योति दैनिक

इलाम । इलाममा बुबाको हत्या गरेर फरार भएको आरोप लागेका छोरा पक्राउ परेका छन् । इलामको माई नगरपालिका–१० ढोडेनीका ६६ वर्षीय दिलबहादुर राईको हत्या गरी फरार भएको आरोपमा ३५ वर्षीय रामबहादुर राईलाई आज पक्राउ गरिएको हो ।

रामबहादुरलाई माई नगरपालिका–१० ढोडेनी जंगलमा लुकीछिपी बसेको अवस्थामा पक्राउ गरिएको जिल्ला प्रहरी कार्यालय इलामका प्रहरी नायब उपरीक्षक प्रकाश जवेगूले जानकारी दिए ।

“उनीमाथि थप अनुसन्धान सुरु गरेका छौँ,” उनले भने ।

प्रहरीका अनुसार घरायसी विवादमा रामबहादुरले बुबा दिलबहादुरलाई चिर्पटले हिर्काएर सख्त घाइते बनाएका थिए । उनको उपचारका लागि झापाको बिर्तामोड अस्पताल लैजाँदा बाटोमै मृत्यु भएको प्रहरीले जनाएको छ । रासस

प्रकाशित मिति: शनिबार, जेठ १९, २०८१ ०७:३२