उत्तरी नाइजेरियामा भएको विस्फोटमा १८ जनाको ज्यान गयो, ३० जनाभन्दा धेरै घाइते

अन्तर्राष्ट्रिय

गृहपृष्ठ
अन्तर्राष्ट्रिय
उत्तरी नाइजेरियामा भएको विस्फोटमा १८ जनाको ज्यान गयो, ३० जनाभन्दा धेरै घाइते

उत्तरी नाइजेरियामा भएको विस्फोटमा १८ जनाको ज्यान गयो, ३० जनाभन्दा धेरै घाइते

आइतबार, असार १६, २०८१ ज्योति दैनिक

एजेन्सी । उत्तरी नाइजेरियाको बोर्नो राज्यमा भएको बम विस्फोटमा कम्तीमा १८ जनाको ज्यान गएको छ । अरू ३० जनाभन्दा धेरै घाइते भएका बीबीसीले जनाएको छ ।

नाइजेरियाको आपतकालीन व्यवस्थापन एजेन्सीका अनुसार आत्मघाती आक्रमणकारीले विवाह समारोह, अन्तेष्टिस्थल र अस्पतालमा आक्रमण गरेका हुन् । एक विवाह समारोहमा भएको बम विष्फोटमा छ जनाको ज्यान गएको छ ।

नाइजेरियाको भ्यानगार्ड र दिस डे पत्रिकाले विस्फोटमा पछिल्ला विस्फोटमा कम्तीमा ३० जनाको ज्यान गएको बताएका छन् । घटनापछि सेनाले कर्फ्यू लगाएको छ । आक्रमणको जिम्मेवारी अहिलेसम्म कसैले लिएको छैन ।

बोर्नो राज्यमा इस्लामवादी लडाकुको समूह बोको हरामले १५ वर्षदेखि आक्रमण गर्दै आएको छ । जसले २० लाखभन्दा बढी मानिसलाई विस्थापित गरेको छ र ४० हजारभन्दा बढी मारिएका छन् ।

प्रकाशित मिति: आइतबार, असार १७, २०८१ १३:४५