वीरगन्ज । चितवनको सिमलताल दुर्घटनामा परेका नदीमा बेपत्ता भएका एक दम्पत्ती ६ दिन बितिसक्दापनि पफेला पर्न नसकेपछि उनिहरुका परिवारजन र आफन्तले कुशको शव बनाएर अन्तिम दाहसंस्कार गरेका छन् ।
बाराको प्रसौनी गाँउपालिका वडा नम्बर १ नकटुवाका ४८ बर्षिय ताराचन्द पटेल र उनकी पत्नि ४३ बर्षिया कुसमी देवीको अवस्था दुर्घटना भएको ६ दिन भइसक्दापनि पत्ता लाग्न सकेको छैन । दुर्घटनामा परेर नदीमा बेपत्ता भएको ६ दिन बितिसक्दापनि पटेल दम्पतिको शवसमेत नभेटिएकाले दुवै जना जिवित नभएको ठहर गरेर बुधबार उनिहरुका परिवारजनले हिन्दु धर्मको रितिरिवाज अनुसार कुशको शव बनाएर अन्तिम दाह संस्कार गरेका हुन् ।
बुधबार बिहान परिवारजन र आफन्तले हिन्दु रितिरिवाज अनुसार दुवै जनाको छुट्टा छुट्टै कुशको शव बनाए । त्यसपछि एउटै पचाठी (डोली)मा कुशले बनाइएको दुवै शव राखेर त्रिवेणी नदीस्थित चटियाबाबा घाटमा लगे। त्यहाँ तयार पारिएको एउटै चितामा दुवैको शव राखियो । त्यसपछि ताराचन्दका जेठा छोरा मदन पटेलले बुवा–आमा दुवैको शवमा दागबत्ती दिएर अन्मित दाहसंस्कार गरे ।१३ दिने किरियामापनि जेठा छोरा मदन नै बसेका छन् ।
घटना भएको ६ दिन बितिसक्दापनि दाई–भाउजु मध्ये कसैकोपनि अवस्था पत्ता नलागेपछि अब उनिहरु जिवित रहेको आस मारेर बुधबार हिन्दु रितिरिवाज अनुसार कुशको शव बनाएर अन्तिम दाहसंस्कार गरिएको दुर्घटनामा परेका ताराचन्दका भाई रमेश पटेलले बताए । उनले भने,‘ अहिलेसम्म जिउँदो कोहिपनि भेटिएका छैनन् । लाशमात्रै भेटिइरहेको छ । ६ दिन भइसक्यो ।यतिका दिनसम्म मेरा दाजु–भाउजुपनि जिउँदै होलान् भन्ने आस नै मारिसक्यौ हामीले । त्यहि भएर आज कुशको शव बनाएर दाहसंकार गरिदियौं । आजदेखि १३ दिने कााजकिररियाको कामपनि अगाडि बढाईसक्यौ ।’रमेशका अनुसार, दुर्घटनामा परेका पटेल दम्पतिका दुई छोरी र दुई छोरा छन् ।
भाई रमेशका अनुसार,काठमाडौंको अस्पतालमा भर्ना रहेका ज्वाईका भाईलाई भेट्नका लागि ताराचन्द र उनकी पत्नि कुसमी देवी गत बिहीबारराति वीरगन्जबाट बागमती प्रदेश ०३–००६ ख १५१६ नम्बरको एन्जल डिलक्स बस चढेर काठमाडौं जाँदै गरेका थिए । उक्त बससंगै गणपति डिलक्स बस शुक्रबार बिहाान ३.३० बजेतिर चितवन–मुग्लिन सडकखण्डको सिमलताल भन्ने ठाँउमा माथिबाट झरेको लेदोसहितको पहिरोले बगाएर त्रिुशली नदीमा बगेको थियो । दुवै बसमा गरी चालकदलका सदस्यसहित ६५ जना यात्रु सवार रहेकोमा तीमध्ये गणपति बसमा सवार ३ जना यात्रु भने पौडिएर बाँच्न सफल भएका थिए ।
यसैबिच प्रसौनी गाँउपालिकाका अध्ध्यक्ष विनोद प्रसाद जयसवालले दुर्घटनामा परेका ताराचन्द र उनकी पत्नि कुसमी देवीको परिवारलाई राहतका लागि १ लाख रुपैयाँ दिने घोषणा गरेका छन् । बुधबार दाहसंकारमा सहभागी हुन पुगेका गाँउपालिका अध्यक्ष जयसवालले पटेल परिवारलाई गाँउपालिकाको तर्फबाट राहत स्वरुप १ लाख रुपैयाँ दिने घोषणा गरेका हुन् ।