ब्राजिलमा 'ओरोपोचे' ज्वरोबाट विश्वमै पहिलो बिरामीको ज्यान गएको पुष्टि

समाचार

गृहपृष्ठ
समाचार
ब्राजिलमा 'ओरोपोचे' ज्वरोबाट विश्वमै पहिलो बिरामीको ज्यान गएको पुष्टि

ब्राजिलमा 'ओरोपोचे' ज्वरोबाट विश्वमै पहिलो बिरामीको ज्यान गएको पुष्टि

शनिबार, साउन १२, २०८१ ज्योति दैनिक

ब्राजिलले 'ओरोपोचे' ज्वरोबाट विश्वमै पहिलो ज्यान गएकाे पुष्टि गरेको छ । ब्राजिलको स्वास्थ्य मन्त्रालयले उत्तरपूर्वी राज्य बाहियामा बस्ने ३० वर्षभन्दा कम उमेरका दुई जना महिला भाइरल ज्वरोबाट पीडित भएकोमा एक जनाको ज्यान गएको जनाएको हो । बिरामीमा डेङ्गीको जस्तै गम्भीर ज्वरो र अरू लक्षण थिए । अहिलेसम्म विश्वमा 'ओरोपोचे' ज्वरोबाट कसैको पनि ज्यान गएको थिएन ।

स्वास्थ्य अधिकारीले दक्षिणी राज्य सान्ता क्याटारिनामा 'ओरोपोचे' ज्वरोबाट अर्को शंकास्पद ज्यान गएको पनि अनुसन्धान गरिरहेका छन् । ओरोपोचे ज्वरो पहिलो पटक सन् १९६० मा ब्राजिलमा पत्ता लागेको थियो ।

त्यसबेलादेखि खासगरी अमेजन क्षेत्र र अन्य ल्याटिन अमेरिकी देशमा यो ज्वरोको प्रकोप फैलिए पनि कसैको ज्यान गएको थिएन । ब्राजिलमा यस वर्ष अहिलेसम्म सात हजार दुई सय ३६ जनामा 'ओरोपोचे' ज्वरोको संक्रमण देखिएको मन्त्रालयले जनाएको छ ।

प्रकाशित मिति: शनिबार, साउन १२, २०८१ १८:३८