आज साउनको अन्तिम सोमवार, बीरगंजको पशुपतिनाथसहित देशै भरका शिवालयहरुमा दर्शनार्थीको घुइँचो

समाचार

गृहपृष्ठ
समाचार
आज साउनको अन्तिम सोमवार, बीरगंजको पशुपतिनाथसहित देशै भरका शिवालयहरुमा दर्शनार्थीको घुइँचो

आज साउनको अन्तिम सोमवार, बीरगंजको पशुपतिनाथसहित देशै भरका शिवालयहरुमा दर्शनार्थीको घुइँचो

सोमबार, साउन २८, २०८१ ज्योति दैनिक

बीरगन्ज । साउन महिनाको अन्तिम सोमबार आज बीरगन्जको पशुपतिनाथसहित देशभरका शिवालयहरुमा श्रद्धालुहरुको भिड लागेको छ । साउन महिनाको हरेक सोमबार व्रत बसेर शिवजीको पूजापाठ गर्दै आएकाहरुले आज विधिपूर्वक व्रत समाप्त गर्दछन् ।

साउनको सोमबारलाई भगवान शिवको प्रिय बार मानिने भएकाले यस दिन श्रद्धालुहरु व्रत, पूजापाठ, दान लगायतका काम गर्दछन् । यसो गर्दा सुख, शान्ति, समृद्धि र परिवारको कल्याण हुने धार्मिक विश्वास रहेको धर्मशास्त्रका जानकार ज्योतिष प्रेम प्रसाद सुवेदीले बताए ।

पर्साको दुग्धेश्वर महादेव मन्दिर (भाथाधाम) र बाराको काँटघाट लगायतका शिव मन्दिरमा श्रद्धालुहरुको बिहानैदेखि घुइँचो छ ।

बीरगन्जको चिनीमिल आवास क्षेत्र भित्र अवस्थित पशुपतिनाथ मन्दिरमा पूजापाठ गर्न हजार भन्दा बढी दर्शनार्थीहरु बिहानैदेखि लामबद्ध देखिएका छन् ।

यस्तै बीरगन्जकै अलखिया मठमा पनि दर्शनार्थीहरुको घुँईचो छ । बिहानै देखि दर्शनाथीहरु नुहाईधुवाई गरी जल चढाउन त्यहाँ पुगेका छन् ।

प्रकाशित मिति: सोमबार, साउन २८, २०८१ ११:३४