पर्सा । पर्साको धोबिनी गाउँपालिकामा सरुवा भई आउनु भएका नयाँ प्रमुख प्रशासकीय अधिकृत अशोक कुमार रौनियार हाजिर भई आजबाट कार्यभार सम्हालेका छन् । आज एक समहारोहका बिच जनप्रतिनिधि र कर्मचारीहरुले उनलाई स्वागत तथा परिचयात्मक कार्यक्रम सम्पन्न भएको छ ।
गाउँपालिकाको सभा हलमा भएको स्वागत तथा परिचयात्मक कार्यक्रममा गाउँपालिका अध्यक्ष मदन प्रसाद चौहानसहित उपाध्यक्ष मञ्जुदेवी कुर्मी, नेपाली कांग्रेस क्षेत्र नं ४ का महाधिवेशन प्रतिनिधि श्यामकिशोर पटेल, नेपाली काङ्ग्रेसका छेत्रीय सभापति बलिस्टर अहमद, वडाध्यक्ष बन्धु साह, देबेन्द्र प्रसाद कुर्मी राजकिसोर पटेल, अबास मियाँ, मनाउर मियाँ, शिक्षा प्रमुख बृजकिशोर त्रिपाठी, कार्यपालिका सदस्य, दिनेश कलाकार वडा सदस्य मदन सहनी, ध्रुप साह कानु , स्वस्थ्य शाखा प्रमुख सन्जय यादव, योजना प्रमुख पपु पटेल, जिन्शि प्रमुख प्रदीप पटेल,इन्जिनियर रबिभुशन पटेल, समाजिक शाखा प्रमुख जितेन्द्र चौहान, पशु शाखा प्रमुख केशवराज प्रसाद कुर्मी, तजेन्द्र माली, लगाएतले अधिकृत रौनियारलाई फूलमाला र दोसल्ला ओढाएर स्वागत गरेका थिए ।
सो अवसरमा अधिकृत रौनियारले बोल्दै आफू जनता हरुको कामलाई छिटो र छरितो सेवा पुर्याउने प्रतिबद्धता व्यक्र गरे । जनताहरुको कामकाजको साथै विकास निर्माणलगायतको कामहरु अगाडि बढाउने भन्दै उनले जनप्रतिधि र कर्मचारीको समन्वयमा अगाडि बढ्ने बताए ।
उनले भने, ‘तपाईहरुले आज जसरी स्वागत गर्नुभएको छ, त्यसरी नै तपाइँहरुको सहयोग र समन्वयको जरुरी छ ।’ परिचयात्मक कार्यक्रममा जनप्रतिनिधि, कार्यपालिका सदस्य र कर्मचारीलगायतको उपस्थिती रहेको थियो ।
