मधेस प्रदेशका २३ वितरण केन्द्रमध्ये धेरै विद्युत् चुहावट मौलापुरमा

समाचार

गृहपृष्ठ
समाचार
मधेस प्रदेशका २३ वितरण केन्द्रमध्ये धेरै विद्युत् चुहावट मौलापुरमा

मधेस प्रदेशका २३ वितरण केन्द्रमध्ये धेरै विद्युत् चुहावट मौलापुरमा

मंगलबार, भदौ २५, २०८१ ज्योति दैनिक

पर्सा । मधेस प्रदेशका २३ विद्युत् वितरण केन्द्रमध्ये सबैभन्दा धेरै विद्युत् चुहावट रौतहटको मौलापुर वितरण केन्द्रबाट हुने गरेको छ । नेपाल विद्युत् प्राधिकरण मधेस प्रदेश प्रादेशिक कार्यालय जनकपुरका अनुसार आर्थिक वर्ष २०८०/८१ मा मधेस प्रदेशमा सबैभन्दा धेरै विद्युत् चुहावट हुनेमा मौलापुर वितरण केन्द्र रहेको छ । मौलापुर केन्द्रबाट ४३ दशमलव ४० प्रतिशतले विद्युत् चुहावट भएको देखिन्छ ।

प्राधिकरण प्रादेशिक कार्यालय प्रमुख मुनिन्द्र ठाकुरका अनुसार मधेसका धेरैजसो वितरण केन्द्रबाट विद्युत् चुहावट उच्च हुने गरेको छ । उहाँका अनुसार मधेसका गाउँ–गाउँमा हुकिङ गरेर तथा मिटरबाट पनि विद्युत् चोरी गर्ने प्रवृत्ति छ । मधेस प्रदेशको दोस्रो धेरै विद्युत् चुहावट हुने वितरण केन्द्रमा बाराको सिम्रनगढ रहेको छ । यो केन्द्रमा ४३ दशमलव २३ प्रतिशत विद्युत् चुहावट छ ।

सबैभन्दा कम विद्युत् चुहावट हुने वितरण केन्द्रमा सिमरा वितरण केन्द्र रहेको छ । मधेस प्रदेश प्रादेशिक कार्यालय प्रमुख ठाकुरका अनुसार गएको वर्ष विद्युत् चुहावटमा संलग्न रहेका सात हजार ९७ जनालाई कारबाही गरिएको छ ।

प्रकाशित मिति: मंगलबार, भदौ २५, २०८१ १०:१९