वीरगंज । बिरगंज फ्रेन्डस राउन्ड टेबल 8 एवम राउन्ड टेबल नेपाल आरटीआई दिवस अन्तर्गत आयोजित बृहत खुल्ला रक्तदान कार्यक्रम बिरगंजको बहुवरी स्थित होटेल कलार्कमा सम्पन्न भएको छ।
नेपाल रक्त संचार बिरगंजमा रगतको अभाव लाई मधय्य नजर गर्दै सो रक्तदान कार्यक्रमको आयोजना गरिएको थियो। बिरगंज फ्रेन्डस राउन्ड टेबल 8 का अध्यक्ष तथा होटेल कलार्कका संचालक सुदिप कुमार खेतानको अध्यक्षतामा भब्यतापुर्वक कार्यक्रम सम्पन्न गरिएको थियो।
सो कार्यक्रममा १ महिला सहित २८ जना रक्तदाताहरुले आफ्नो अमुल्य रक्तदान गरेका थिए । रक्तदान गर्नु हुनेमा अंशु प्रसाद कुर्मी , मनु कुमार , बिकाश राय , दिपेन्द्र बोहरा , सम्भु प्रसाद कुर्मी , शेषनाथ राम , रबि कुमार राय , राजेन्द्र बोहरा , गम्भीर प्रसाद गिरि , दिनानाथ प्रसाद , विशाल कुश्वाहा , राजु साह कानु , विशाल पटेल , प्रभात कर्ण लगायतकाहरुले आफ्नो अमुल्य रक्तदान गरेका थिए।
सो कार्यक्रममा बिरगंज फ्रेन्डस राउन्ड टेबल 8 सदस्य दिपल खन्ना , अकक्षत साह एवम नेपाल रेडक्रस सोसाइटी रेशमकोठी उपशाखाका युवा संयोजक अभिलाष कुमार गुप्ता लगायतका उपस्थितिमा कार्यक्रम सम्पन्न भएको थियोे। सो रक्तदान कार्यक्रममा रक्तसञ्चार केन्द्र बिरगंजका प्राविधिक , मनिष गुप्ता , नमित चौरसिया, लिलाधर साह , नितेश साह लगायतका नेतृत्वको टोलिले रक्तदाताहरुलाइ रक्तदान गर्न सघाएका थिए।
