अमेरिकाको फ्लोरिडामा ‘मिल्टन’ आँधीका कारण झन्डै १० लाख मानिस सुरक्षित ठाउँमा सर्दै

अन्तर्राष्ट्रिय

गृहपृष्ठ
अन्तर्राष्ट्रिय
अमेरिकाको फ्लोरिडामा ‘मिल्टन’ आँधीका कारण झन्डै १० लाख मानिस सुरक्षित ठाउँमा सर्दै

अमेरिकाको फ्लोरिडामा ‘मिल्टन’ आँधीका कारण झन्डै १० लाख मानिस सुरक्षित ठाउँमा सर्दै

बिहीबार, असोज २४, २०८१ ज्योति दैनिक

अमेरिकाको फ्लोरिडा राज्यमा विनाशकारी आँधी ‘मिल्टन’ का कारण झन्डै १० लाख मानिसलाई सुरक्षित ठाउँमा जान भनिएको छ । फ्लोरिडाको प्रशासनले तटीय क्षेत्रहरू खाली गर्न आदेश दिएको हो । आँधीले बिजुली आपूर्तीमा समस्या भएको छ ।

‘मिल्टन’ आँधी शत्तिशाली रहेको हुँदा यसले ठूलो बाढी र तीब्ररुपमा हावा ल्याउन सक्ने आँकलन गरिएको बीबीसीले जनाएको छ । यो आँधी सय वर्षयताकै खराब हुने अमेरिकाको मौसम विभागले चेतावनी दिएको छ ।

मिल्टन आँधी फ्लोरिडा आइपुग्नुअघि नै ६७ मध्ये ५१ वटा काउन्टीमा आपत्कालीन चेतावनी दिइएको र ती क्षेत्र धेरैजसो खाली भइसकेका खबरमा उल्लेख छ । फ्लोरिडामा दुई हप्ताअघि मात्रै पनि ‘हेलेन’ नामको अर्को आँधीले क्षति गरेको थियो । हेलेन आँधीले अमेरिकाका छ वटा राज्यमा गरेर कम्तीमा दुई सय २५ जनाले ज्यान गुमाएका थिए ।

प्रकाशित मिति: बिहीबार, असोज २४, २०८१ १३:०९