ब्राजिलमा सामाजिक सञ्जाल एक्समाथिको प्रतिबन्ध हट्यो

अन्तर्राष्ट्रिय

गृहपृष्ठ
अन्तर्राष्ट्रिय
ब्राजिलमा सामाजिक सञ्जाल एक्समाथिको प्रतिबन्ध हट्यो

ब्राजिलमा सामाजिक सञ्जाल एक्समाथिको प्रतिबन्ध हट्यो

बिहीबार, असोज २४, २०८१ ज्योति दैनिक

ब्राजिलको सर्वोच्च अदालतले सामाजिक सञ्जाल प्लेटफर्म एक्स अर्थात ट्विटरमाथिको प्रतिबन्ध हटाएको छ । अदालतको फैसलाको पालना नगरेको कारण एक महिना भन्दा लामो समय प्रतिबन्ध लगाएपछि हिजो एक्समाथिको प्रतिबन्ध खुला गरेको चिनियाँ समाचार संस्था सिन्ह्वाले जनाएको छ ।

स्थानीय सञ्चारमाध्यमका अनुसार एक्सले ब्राजिल सरकारलाई ५ करोड १७ लाख अमेरिकी डलर जरिवाना तिरेपछि न्यायाधीश अलेक्जेन्डर डी मोरासले प्रतिबन्ध हटाउनुभएको हो ।

उहाँले प्रतिबन्ध हटाइएको घोषणा गर्दै ब्राजिल इन्टरनेट लिमिटेडलाई एक्समाथिको प्रतिबन्ध तत्काल शुरु गर्न अनुमति दिनुभएको छ । यो निर्णय लागू गर्न र २४ घण्टा भित्र सर्वोच्च अदालतमा रिपोर्ट पेस गर्न न्यायाधीस मोरासाले निर्देशन दिनुभएको छ ।

ब्राजिलमा कानुनी प्रतिनिधि नियुक्त गर्न अस्वीकार गरेको र अदालतको आदेशको अवहेलना गरेको आरोपमा त्यहाँको सर्वोच्च अदालतले एक्समाथि गएको अगस्टमा प्रतिबन्ध लगाएको थियो भने जरिवाना नदिएको आरोपमा ३० जना कर्मचारीलाई पक्राउ परेका थिए । अहिले एक्सले जरिवाना तिरेर कानुनी प्रतिनिधि पनि नियुक्त गरेको खबरमा उल्लेख छ ।

प्रकाशित मिति: बिहीबार, असोज २४, २०८१ १५:४०